काठमाडौं,९ भाद्र । कञ्चनपुरकी १३ वर्षीय बालिका निर्मला पन्तको पक्षमा आज काठमाडौंमा बृहत् प्रदर्शन भएको छ।
बलात्कारपछि हत्या गरिएकी पन्तको पक्षमा काठमाडौंको माइतीघरबाट सुरु भएको प्रदर्शन बानेश्वरसम्म पुगेको थियो। दोषीलाई तत्काल पक्राउ गरी कडा कारबाही गर्न र पीडित परिवारलाई न्याय दिलाउन भन्दै प्रदर्शनकारीहरुले माग गरेका छन्।
निर्मलाका निम्ति न्यायु स्लोगनमा जनताको भेला नाम दिइएको प्रदर्शनमा शिल्पी थिएटरले बलात्कार विरुद्धको नाट्यांशसमेत प्रस्तुत गरेको छ ।
भीमदत्त नगरपालिका २ की १३ वर्षीया निर्मला पन्तको बलात्कारपछि गत साउन १० गते हत्या भएको थियो ।
पन्तको हत्यामा नक्कली अभियुक्त पक्राउ गरिएको र वास्तविक दोषीसम्म प्रहरी पुग्न नसकेको भन्दै सर्वत्र सरकारको आलोचना भइरहेको बताइएको छ ।
प्रतिक्रिया दिनुहोस्