काठमाडौं ४ भाद्र । कालीमाटी फलफूल तथा तरकारी बजार अनुगमन गर्न गएका टोलीलाई व्यापारीले चार घण्टा थुनेका छन् । अनुगमनका क्रममा टोलीले तरकारी बजारबाट दुईवटा ट्रक नियन्त्रणमा लिएपछि व्यवसाय तथा विचौलियाको समूहले अनुगमन टोलीलाई थुनेको हो ।
उपत्यका बाहिरबाट फर्सी र काक्रो लिएर आएका दुई ट्रकसँग बिलविजकलगायतका कागजात नभेटिएपछि नियन्त्रणमा लिएको केन्द्रीय अनुगमन समितिका सदस्य माधव तिमिल्सिनाले जानकारी दिएका छन । बजार अनुगमनका क्रममा अवरोध गरेको र चार घण्टासम्म बाहिर निस्कन नदिएको उनले बताए ।
उनले भने, प्रहरीको सुरक्षामा चारघण्टापछि बाहिर निस्किएको पत्रकारलाई बताएका छन। अनुगमनमा अवरोध गर्ने र हुलहुज्जत गर्नेलाई कारबाही हुनु पर्ने उनले बताए । टोलीले पसल तथा सवारीहरुको अनुगमन गरेको थियो ।
वाणिज्य, आपूर्ति तथा उपभोक्ता संरक्षण विभागको अनुगमन टोली सोमबार बिहान ३ बजे अनुगमनका लागि पुगेको थियो । टोलीलाई प्रहरीले स्कटिङ गरेर बजारबाट बाहिर निकालेको थियो । किसानले पनि वास्तविक मूल्य नपाउने र उपभोक्ताले पनि बढी मूल्य तिर्नुपर्ने अवस्था अन्त्य गर्न अनुगमन गर्नु परेको तिमिल्सिनाको भनाइ छ ।
प्रतिक्रिया दिनुहोस्