काठमाडौं,३१ साउन । प्रमुख प्रतिपक्षी दल नेपाली कांग्रेसले सरकारले निजी क्षेत्रलाई आकर्षित गर्नुपर्नेमा उल्टै निरत्साहित गरेको आरोप लगाएको छ ।
बिहीबार काठमाडौंमा समसामयिक अर्थ राजनीतिको समीक्षा कार्यक्रमको आयोजना गर्दे काग्रेसले सरकारले हावादारी कुरा गरेकाले समृद्धिको सपना पूरा नहुने समेत दाबी गरेको छ ।
सरकारले जनचाहना विपरित काम गरेको भन्दै गलत कामको सशक्त प्रतिवाद गर्न काग्रेस शिर्ष नेताहरुले कार्यकर्तालाई निर्देशन समेत दिएका थिए ।
कार्यक्रममा कांग्रेसका बरिष्ठ नेता रामचन्द्र पौडेलले सरकारले गरिब नागरिकको ढाँड सेक्ने गरी कर वृद्धि गरेको भन्दै सरकारको आलोचना गर्नुभयो ।
वरिष्ठ नेता पौडेलले कम्युनिष्ट नेतृत्वको सरकारले जनतालाई कुनै पनि विषयमा राहत दिन नसकेको आरोप पनि लगाउनुभयो ।
उहाले सरकारको कामलाई काग्रेसले अवरोध गरेको भनेर झुटो आरोप लगाईएको भन्दै सरकारले भाषण अनुसार काम गर्न नसकेको बताउनुभयो । उहाले सरकारसंग काम गर्ने ढंग नभएको टिप्पणी गर्नुभयो ।
प्रतिक्रिया दिनुहोस्