काठमाडौं,१७साउन । अर्थमन्त्री डाक्टर युवराज खतिवडाले पर्यटन प्रवद्र्धनका लागि छोटा दुरीका रेल्वेबारे अध्ययन गर्नुपर्ने बताउनुभएको छ ।
सस्कृति पर्यटन तथा नागरिक उड्ययन मन्त्रालयले बिहीबार सिंहदरबारमा आयोजना गरेको पर्यटन क्षेत्रको भावी कार्यदिशा सम्बन्धी अन्तक्र्रिया कार्यक्रममा मन्त्री खतिवडाले नागढुंगा–धुलिखेलको रेल सञ्चालनको योजना अघि सारकोे भन्दै यस्तै प्रकारका ५० किलोमिटरसम्मको छोटो दुरीको रेल सेवाको अध्ययन गर्नुपर्ने बताउनुभएको हो ।
उहाले हवाई र सडक मार्गबाट पर्यटन भित्रिरहेको भन्दै अन्तरदेशीय रेल सेवा सुरु गर्न सके पर्यटकको संख्या निकै बढ्न सक्ने उल्लेख गर्नुभयो । त्यस्तै उहाले नेपालको हवाई सेवाको गुणस्तरीयताको बृद्धिका साथै थप अन्तरदेशीय हवाईमार्गको पनि अध्ययन गर्न सुझाव दिनुभयो ।
मन्त्री खतिवडाले पर्यटन क्षेत्रलाई थप व्यवस्थीत गर्न दक्ष जनशक्तिको आवश्यकता पर्ने र नीजी क्षेत्रसंग पनि समन्वय गर्दे अघि बढ्नुपर्ने बताउनुभयो । मुलुकको आर्थिक समृद्धिको सपना पूरा गर्नका लागि पर्यटन प्रवर्द्धन र उद्योग नै उपयुक्त विकल्प भएको उहाको भनाई छ ।
छलफलमा उद्योग, वाणिज्य तथा आपूर्ति मन्त्री मातृकाप्रसाद यादवले पर्यटन क्षेत्रको बिकासको योजना सबैको योजना भएकाले समृद्ध नेपाल निर्माणको महाअभियानमा कोही छुट्न नहुने बताउनुभयो । उहाले तीनै तहको सरकार एकजुट भएर मुलुकको बिकासमा लाग्नुपर्ने धारणा राख्नुभयो ।
सस्कृति पर्यटन तथा नागरिक उड्ययन मन्त्रालयले मुलुकको पर्यटन प्रवद्र्धनका लागी योजना निर्माणका लागी केन्द्रका साथै प्रदेशका उद्योग पर्यटन र वन तथा वातावरण मन्त्रालयका मन्त्रीहरुसंग छलफल गरेको हो ।
प्रतिक्रिया दिनुहोस्