काठमाडौं,१६ साउन । डा.केसीलार्इ ६ दिन आइसियुमा राखेर उपचार गरेपछि मंगलबार वार्डमा सारिएको छ।

२७ दिन अनसन बसेपछि बिरामी भएका र उनको शरीरमा आएका विभिन्न समस्याहरुको उपचार गर्न आइसियुमा राखिएको थियो ।

विशेष गरी रगतमा पोटासियमको मात्रामा भएको गढबढी, रक्तचापमा आइरहने र सेतो रक्तकोशिकाको संख्या निकै न्यून भएका कारण चिकित्सकको सल्लाह बमोजिम डा।केसीलार्इ आइसियुमा राखिएको थियो ।

आज गरिएको रगतको परिक्षण र इसिजिमा सुधारका संकेतहरु देखिनासाथ उनलाइ वार्डमा सारिएको हो ।

अझै पनि सन्तोषजनक रुपमा सेतो रक्तकोशिकाको संख्या नबढेको, रक्तचाप मेन्टेन नभएको र नसाबाट विभिन्न खाले औषधि दिइरहनु पर्ने भएका कारण अस्पातालकै मेडिसिन विभाग अन्तर्गत भर्ना गरि डा।केसीको उपचार भइरहेको बताइएको छ ।

उनलाइ डिस्चार्ज गर्न अझै एक हप्ता कुर्नुपर्ने र सम्पुर्ण रुपमा निको हुन ४\५ हप्ता लाग्न सक्ने चिकित्सकहरुको भनाइ रहेको छ ।