बर्दिया २८ असार । बर्दियाको बारबर्दिया नगरपालिका नेपाल कै पहिलो बिद्यालय उमेर समुहका बालबालिकाहरु बिद्यालय बाहिर नभएको सुनिश्चित भएको छ ।

चालु शैक्षिकशत्रमा नगरपालिका भरीका सबै बालबालिकाहरु विद्यालयमा भर्ना गराउन सफल भएपछि नेपाल सरकारका शिक्षा, बिज्ञान तथा प्र्रविधिमन्त्री गिरीराजमणि पोखरेलले बारबर्दिया नगरपालिकालाई नेपाल कै पहिलो विद्यालय उमेर समुहका बालबालिका विद्यालय बाहिर नभएको घोषणा गरेका हुन् ।

बारबर्दिया नगरपालिकाले शिक्षा बिज्ञान तथा प्रबिधि मन्त्रालयले तोकेको मापदण्ड पुरागरी बारबर्दिया नगरपालिका नेपालका ७ सय ५३ वटा स्थानीय तह मध्ये सबभन्दा पहिलो बालबालिकाहरुको शिक्षाको पहुँचमा सुनिश्चितता भएको नगरपालिका घोषणा भएको हो ।

घोषणा कार्यक्रमको उद्घाटन गर्दै संघीय सरकारका शिक्षा, बिज्ञान तथा प्र्रविधिमन्त्री गिरीराजमणि पोखरेलले अनिवार्य आधारभुत शिक्षाको सुनिश्चितता गर्नका लागि पहिलो भएर बारबर्दिया नगरपलिका नेपाल कै उदाहरणीय नगरपालिका भएको बताए । उनले अब बारबर्दिया नगरपालिकाबाट सबै स्थानीय निकायले सिक्नु पर्दछ र बारबर्दियालाई पछ्याउनु पर्ने बताए ।

मन्त्री पोखरेलले यस बर्ष विद्यार्थी भर्ना अभियानलाई महाअभियानको रुपमा अगाडी बढाएको बताए । उनले दोस्रो चरणको भर्ना अभियान कार्यक्रम अन्र्तगत आगामी भाद्र मसान्त सम्ममा नेपालका सम्पुर्ण पालिकाहरुले घरधुरी सर्वेक्षण गरी विद्यालय देखि बाहिर रहेका बालबालिकाहरुलाई विद्यालयमा ल्याउनु पर्ने नरहेको मन्त्री परिषद्ले निर्णय गरेको बताए ।

आगामी भाद्र महिना भित्र नेपालका सम्पुर्ण स्थानीय निकायहरुमा अनिवार्य आधारभुत अनिवार्य शिक्षाको प्रत्याभुती गराउने बताउँदै मन्त्री पोखरेलले अभिभावक विहिन बालबालिकाहरुको संरक्षणको जिम्मा राज्यले नै लिने बताए ।

बारबर्दिया नगरपालिकाले नगरभित्र रहेको ४३ वटा सामुदायिक बिद्यालय र १६ वटा संस्थागत बिद्यालय रहेका छन् । वडाका माध्यमिक बिद्यालयको नेतृत्वमा ११ वटै वडामा बिद्यालय उमेर समुहका बालबालिका बिद्यालय बाहिर छैन् भनेर घोषणा गरि सकीएको छ । बारबर्दिया नगरपालिकाको १६ हजार ८० घरधुरीमा सर्वेक्षण गरी २ सय ८७ जना बालबालिका बिद्यालय बाहिर रहेको पत्ता लागाएको थियो ।

उक्त बालबालिकालाई बिद्यालय ल्याउनको लागि बिभिन्न क्रियाकलाप सहित बिद्यालयमा भर्ना गराईएको छ । यस मध्यमा अतिबिपन्न, अपांगता भएका बिद्यार्थीहरुलाई आबश्यकता अनुसारको बिद्यालयमा भर्ना गरी बिभिन्न संघ संस्थाहरुको सहयोगमा छात्रबृद्धि पनि दिईएको छ ।

बारबर्दिया नगरपालिकामा बिद्यार्थीहरुको शैक्षिक गुणस्तर बृद्धि गर्नको लागि प्रधानाध्यपकहरुले ३० बुँदे प्रतिबद्धता गरेका छन् ।