चितवन ,२६ असार । नेपाल सरकारले मित्र राष्ट्र चिनलाई उपहार स्वरुप दिने भनिएको एक सिङ्गे गैडाँ चितवनबाट लगिएको छ । चिनलाई दिने भनिएको २ जोडी गैडाँ मध्य पहिलो चरणमा १ जोडी गैडाँ चिन पठाउन चितवनको सौराहाबाट १ जोडी गैडाँ काठमाण्डौ लागिएको हो ।

नेपाल सरकारले २०७३ साल असार २६ गते मित्र राष्ट्र चिनलाई चितवन राष्ट्रिय निकुञ्जबाट २ जोडी एकसिङ्गे गैडाँ दिने निर्णय गरेको थियो । सोहि निर्णय अनुसार पहिलो चरणमा १ जोडी गैडाँ चिन पठाउन मंगलबार चितवनको सौराहाबाट गैडाँ लगिएको छ ।

संरक्षण , प्राकृतिक प्रजनन् , अध्ययन, अनुसन्धान र संरक्षण शिक्षाको प्रवर्धन गर्न उपहार स्वरुप गैडाँ दिन लागिएको हो । चिन पठाइने गैडाँलाई काठको खोरमा राखेर ट्रक मार्फत काठमाण्डौ लगिएको र बुधवार आराम गराएर बिहिबार जहाज मार्फत चिन पठाउने तयारी रहेको चितवन राष्ट्रिय निकुञ्जका प्रमुख संरक्षण अधिकृत बेदकुमार ढकालले जानकारी दिए ।

१ जोडी गैडाँको साथमा नेपालबाट पशु चिकित्सक र गैडाको रेखदेखको गर्ने प्राविधिक सहित ५ जना चिन जाने कार्यक्रम रहेको छ । चितवनबाट चिन पठाउन गैडाँ लैजादा सौराहाका व्यवसायीहरुले भने दु :ख प्रकट गरेका छन् । नेपालको तेस्रो पर्यटकिय गन्तव्यको रुपमा रहेको सौराहामा आउने अधिकाम्स विदेशी पर्यटक चिनको रहेको र उनीहरु एकसिङ्गे गैडा हेर्नकै लागि सौराहा आउने गरेका हुन् ।

गैडाँ हेर्ने चिनियाँ पर्यटक नेपाल आउने गरेको तर नेपाल सरकारले चिनलाई नै उपहार स्वरुप गैडाँ दिदाँ चिनबाट नेपाल आउने पर्यटकको संख्यामा कमी आउन सक्ने क्षेत्रिय होटल संघ सौराहाका प्रथम उपाध्यक्ष दिपक भट्टराईले बतार्ए

दुईदेशको सम्बन्धसँगै दुईदेशका जनताको समेत सम्बन्ध सुमधुर हुनेमा चितवनका जनप्रतिनिधी बिस्वस्त रहेका छन् । राष्ट्रकोसँगै दुईदेशका स्थानिय तह बिचको सम्बन्ध पनि प्रगाढ बनाउन सके राम्रो हुने रत्ननगर नगरपालिकाका मेयर नारायण वनले बताए ।

उनले नेपालको गैडाँलाई चिनमा चिडियाँखानामा राखिने हुदाँ अब गैडाँको प्राकृतिक वासस्थान हेर्नको लागि भएपनि चिनियाँ पर्यटक नेपाल आउने भन्दै पर्यटकको संख्या बृद्धी हुने विश्वास व्यक्त गरे ।

चितवनको सौराहाबाट चिन पठाउन लागिएको गैडाँहरुलाई बिदाई गर्न जिल्ला समन्वय समितीका सभापति , चितवनका प्रमुख जिल्ला अधिकारी , जिल्ला प्रहरी प्रमुख , रत्ननगर नगरपालिकाका जनप्रतिनिधी , पर्यटन व्यवसायी , संरक्षणकर्मीहरुको उपस्थिति रहेको थियो ।

नेपाल सरकारले यसअघि पनि २६ वटा एकसिङ्गे गैडाँ उपहार स्वरुप भारत , अमेरिका , बेलायत , जापान , बंगलादेश , अष्ट्रिया , थाईल्याण्ड , बर्मा , पाकिस्तान लाई दिइसकेको छ । उपहार स्वरुप दिइने र्दुलभ वन्यजन्तुको उचित संरक्षण होस् र त्यसले नेपालको पर्यापर्यटनमा उल्लेखिनय योगदान पुर्याउन जरुरी छ ।