काठमाडौं,१८ असार । एक युवतीको हत्याको आरोपमा नेपाली सेनाको महाराजगञ्जस्थित भैरवदल गणमा कार्यरत सैनिक पक्राउ परेका छन्। जवान लालबहादुर ढुंगेललाई सिन्धुली प्रहरीले पक्राउ गरेको हो।
उनले गत जेठ ११ गते २४ वर्षिया युवती बसुन्धरा खड्काको सुनकोशी किनारमा हत्या गरेको खुलेको छ। बिदामा सिन्धुली आएका बेला ढुंगेलले खड्काको हत्या गरेको सिन्धुलीका एसपी रामेश्वरप्रसाद यादबले बताए।
शारिरीक सम्बन्ध राख्न नमानेपछि हत्या गरेको प्रारम्भिक अनुसन्धानमा खुलेको छ। अभियुक्त ढुंगेलले पनि आफुले हत्या गरेको स्वीकारेका छन्। ढुंगाले टाउकोमा हानेर उनले हत्या गरेका हुन्। मगलबार पत्रकार सम्मेलन गरी उनलाई सार्वजनिक गरिएको छ।
प्रतिक्रिया दिनुहोस्