पाँचथर, १२ जेठ । पाँचथरमा एक प्रहरी जवानले झुण्डिएर आत्महत्या गरेका छन् । पाँचथरको फिदिम नगरपालिका–८, मा रहेको तमाखे प्रहरी चौकीमा कार्यरत प्रहरी जवान मानबहादुर विष्टले आत्महत्या गरेको प्रहरीले जनाएको छ । इलाम घर भएका ३६ वर्षीय विष्टले शुक्रबार राति ११ वजे प्रहरी चौकीदेखि एक सय मिटर टाढाको दूरीमा रहेको जङ्गलको रुखमा झुण्डिएर आत्महत्या गरेको पाँचथर प्रहरीले जनाएको छ । विष्टले स्थानीय एक किशोरिलाई जिस्काएको भन्दै किशोरीका आफन्तले शुक्रबार साँझ प्रहरी चौकी तमाखेमा मौखिक उजुरी दिएका थिए ।किशोरीको आफन्तको मौखिक उजुरीको आधारमा विष्टलाई पक्राउ गरी अनुसन्धानका लागि जिल्ला प्रहरी कार्यालय फिदिममा ल्याउन त्यहाँका प्रहरी इन्चार्जलाई आदेश दिएको ३ घण्टामै विष्टले आत्महत्या गरेको प्रहरी निरीक्षक प्रकाश गुप्ताले बताउनुभयो ।
पक्राउ गरी जिल्ला ल्याउने थाहा पाएपछि विष्ट चौकीबाट गायब भएका थिए । घटनाबारे अनुसन्धान सुरु गरिएको पाँचथर प्रहरीले जनाएको छ ।
प्रतिक्रिया दिनुहोस्