बलम्बु , १० वैशाख । दुर्लभ बन्यजन्तुको छाला तथा खपटा सहित प्रहरीले ललितपुरबाट एक व्यक्तिलाई प्रक्राउ गरेको छ ।
प्रहरी सहायक निरिक्षक गोविन्द साउदको कमाण्डमा खटिएको टोलीले ललितपुर गोदावरी नगरपालिका वडा नं. ८ स्थाई घर भएका २२ वर्षीय शानु भनिने सुकराज नगरकोटिलाई पक्राउ गरेको हो ।
प्रहरीले नगरकोटीको घरबाट सालकको खपटा १ थान, मृगको रौ सहितको छाला १ थान, बाघको छाला १ थान , स्यालको छाला १ थान, जनावरको सिङ सहितको टाउकोको हड्डी २ थान , र नाम यकिन नभएको जनावरको रौ सहितको छाला ३ थान बरामद गरेको छ ।
स्थानिय बाडेगाउ प्रहरी प्रभागसंगको सहकार्य र विशेष सुराकीको आधारमा प्रहरीले नगरकोटीको घरबाट अवैध छाला तथा खपटा बरामद गरेको हो ।
उनलाई थप कारबाही तथा अनुसन्धानको लागी महानगर प्रहरी वृत्त थानकोट पठाएको छ ।
प्रतिक्रिया दिनुहोस्