काठमाडौं, १९ साउन । मोरङबाट राजनीतिक नेतृत्वका रुपमा उदाएका माअ‍ोवादी केन्द्रका नेता शिवकुमार मण्डलले आपूर्ति मन्त्रीको जिम्मेवारी पाएको हप्ता दिन मात्र भएको छ ।
मण्डलले मन्त्रीको रुपमा सपथ खाइरहेको बेला नेपाल आयल निगमले जग्गा खरिदको क्रममा अरबौं घोटाला गरेको तथ्य सार्वजनिक भइसकेको थियो । विभागीय मन्त्रीको हैसियतले अब भने मन्त्री मण्डलले घोटाला भएको हो या होइन भन्ने सत्य तथ्य पत्ता लगाएर कदम चाल्नु पर्ने दिन आएको छ ।

संसदीय समितिहरुले समेत यो विषयमा चासो देखाउन थालेपछि मन्त्री मण्डलले समेत घोटाला प्रकरणलाई मिहिन रुपमा अध्ययन गर्न थालेका छन् । उनी भन्छन् – घोटाला भएको प्रमाणित भए कसैलाई पनि एक मिनेट बाँकी राख्दिन ।

मन्त्री मण्डलका लागि आयल निगमको घोटाला प्रकरण अवसर र चुनौती दुबै हुन् । यदी, घोटाला प्रकरणमा संलग्नलाई कारवाही गर्न सके स्वयम् मन्त्री मण्डल र देशका लागि राम्रो काम हुने छ । तर, घोटालामा राजनीतिक दलको समेत संलग्नता रहेको हुनसक्ने आशंकाले भने मन्त्री मण्डलले घोटालामा संलग्नलाई कारवाही गर्न चुनौती पनि छ । मन्त्री मण्डलसँग एबीसी न्यूजका मिलन लिम्बुले गरेको एक्सक्लुसीभ कुराकारी हेरौं ।