काठमाडौ २९ असार । राष्ट्रिय प्रजातन्त्र पार्टी ९राप्रपा० को अनुशासन समितिबाट हटाइएपछि वरिष्ठ नेता नवराज सुवेदीले निर्वाचन आयोगमा उजुरी दिनुभएको छ ।
राप्रपाका अध्यक्ष राजेन्द्र लिङ्देनले असार २५ गते नेता सुवेदी पार्टी सदस्य नरहेको निष्कर्ष निकाल्दै अनुशासन समितिको अध्यक्षबाट हटाएर रोशन कार्कीलाई मनोनीत गर्नुभएको थियो । त्यो निर्णयविरुद्ध पार्टीका पूर्वअध्यक्ष प्रकाशचन्द्र लोहनी र महामन्त्रीद्वय धवलशमशेर जबरा र कुन्ती शाहीसहित सुवेदी आज निर्वाचन आयोगमा पुग्नुभएको हो ।
आयोगमा उजुरी दिएपछि नेता सुवेदीले पार्टीको निर्णयविना अध्यक्षको स्वेच्छाचारिताले आफूलाई अनुशासन समितिबाट हटाएको कारण उजुरी दिनुपरेको प्रतिक्रिया दिनुभएको छ । उहाँले राजसंस्था पुनर्स्थापनाको आन्दोलन निरन्तर रहेको पनि दाबी गर्नुभयो ।
प्रतिक्रिया दिनुहोस्