काठमाडौ ११ जेठ । काठमाडौं महानगरपालिकाका मेयर बालेन शाहले वडा नम्बर १७ का अध्यक्ष एवं प्रवक्ता नवीन मानन्धरलाई स्पष्टीकरण सोधेका छन्।
मेयर बालेनको सचिवालयले जेठ ८ गते स्पष्टीकरण सोधेको पत्र नगर प्रहरीमार्फत् आफूलाई पठाइएको मानन्धरले बताए। तर पत्र आफूले नबुझेको उनले बताए।
केही समयअघि एक टेलिभिजन अन्तर्वातामा गरेको कुराकानीलाई लिएर स्पष्टीकरण सोधिएको थियो, उनले भने, तर मैले पत्र बुझेको छैन।
जनताको मतबाट निर्वाचित जनप्रतिनिधि जस्तो गरिमायुक्त पदमा रहनुभएका व्यक्तिबाट यस्ता आधारहीन, अनौपचारिक र अमर्यादित अभिव्यक्ति सार्वजनिक रूपमा दिनु शोभायुक्त कार्य होइन भन्ने कुरा समेत स्मरण गराइन्छ, मानन्धरलाई सोधिएको स्पष्टीकरणमा भनिएको छ।
अभिव्यक्ति स्वतन्त्रताको सीमाभन्दा पर गएर व्यक्तिगत चरित्रहत्या, मानहानि तथा सामाजिक प्रतिष्ठामा गम्भीर आँच पुर्याउने कार्य भएको भन्दै मानन्धरलाई स्पष्टीकरण सोधिएको छ। यस्तै, त्यस्ता अभिव्यक्तिले अभिव्यक्ति स्वतन्त्रताको सीमाभन्दा पर गएर व्यक्तिगत चरित्रहत्या, मानहानी तथा सामाजिक प्रतिष्ठामा गम्भीर आँच पुर्याउने कार्य गरेको पत्रमा उल्लेख छ।
यसअघि प्रमुख प्रशासकीय अधिकृत सरोज गुरागाईंले गत चैत २१ गते आफू कार्यालय जाँदा हुलहुज्जत गरेको भन्दै नगर प्रहरी प्रमुख पाण्डेलाई स्पष्टीकरण सोधेका थिए।
प्रतिक्रिया दिनुहोस्