काठमाडौं २५ माघ । नेकपा माओवादी केन्द्रका प्रमुख सचेतक हितराज पाण्डेले सरकारले संसद्को प्रक्रिया मिचेको आरोप लगाएका छन्।

शुक्रबार प्रतिनिधिसभाको बैठकपछि सञ्चारकर्मीहरूसँग बोल्दै उनले विधयानसम्बन्धी विधेयकमा आफूलाई मन लागेको कुरा समावेश गरेर पास गर्न खोजेको आरोप लगाएका हुन्।

समितिबाट सर्वसम्मत पास भएर आएको प्रतिवेदन संसद्‌मा प्रस्तुत गर्दा जनतालाई झुक्याउने प्रयास गरेको बताए।

निर्माण जस्तो गम्भीर विषयमा आफूलाई मन लागेका कुराहरू घुसाउने र बहुमतको धाक लगाउने कार्य गलत भएको उनको जिकिर छ। उनले सरकारले कानून मिचेर अध्यादेश ल्याएको समेत आरोप लगाए।

‘आज सदनमा सरकारले सदनलाई पनि लटरपटर गरेर कानुन बनाउनेतिर लैजान खोज्यो आज हाम्रो कानून, न्याय तथा मानव अधिकार समितिको प्रतिवेदनउपर छलफल थियो,ु उनले भने, ुत्यो प्रविदेन सर्वसम्मत रुपमा पारित भएर आएको थियो। तर सरकारले के घुसाउनुपर्ने थियो त्यसमा माननीय कानुन मन्त्रीले स्पष्टताका साथ पनि राख्नु भएन। तर केही विषयवस्तु राख्ने प्रयत्न पनि गर्नुभयो। के भएको भनेर संसद् सचिवालयसँग कुरा गरियो। त्यसबाट पनि जवाफ आएन। आफूलाई मन लागेका कुराहरु कान‍ुनमा घुसाउने र हामीसँग बहुमत छ भनेर जसरी जनतालाई झुक्याउन खोजियो यो एकदम गलत भएको छ।

सरकारले अध्यादेशमा पनि कानुन मिच्न थालेको उनको आरोप छ।

हाम्रो प्रक्रियाका त छलफल आयो भने पनि छलफल त्यहाँ राख्ने र त्यसपछि सरकारले जवाफ दिने थियो। तर त्यसो गरेर कानुनमा आफूलाई मन लागेको कुरा हालेर जुन पास गर्ने प्रयत्न गरियो,ु उनले भने, ुत्यसविरुद्ध प्रमुख प्रतिपक्षी दलको प्रमुख सचेतकको हिसावले मैले विषयवस्तु उठाए।’

आजको बैठकमा कानुन न्याय तथा संसदीय मामिला मन्त्री अजयकुमार चौरसियाले विधायन सम्बन्धमा व्यवस्था गर्न बनेको विधेयक संसदमा पेस गरेका थिए।