काठमाडौं, ६ फागुन । संविधान संशोधन नभएसम्म आफूहरू सरकारमा सहभागी नहुने राजपा नेपालका उपाध्यक्ष वृषेशचन्द्र लालले स्पष्ट पारेका छन्।
आइतबार राजधानीमा आयोजित एक कार्यक्रममा सम्बोधन गर्दै उनले सो कुरा बताएका हुन्।
उनले भने,‘संविधान संशोधन तत्काल हुनुपर्छ, अहिलेको जनमत पनि त्यहीँ हो, जबसम्म संशोधन हुँदैन तबसम्म हामी सरकारमा जाने सवाल छैन।’
नेता लालले वर्तमान प्रधानमन्त्री केपी शर्मा ओलीले मधेशको जनादेशलाई सम्मान गर्नुपर्नेमा जोड दिए। उनले भने, ‘हामी सरकारमा जाँदै जाँदैनौं भन्ने कुरा होइन, सरकारमा जाने भन्ने कुरा त एउटा विचार, मत एउटै भएर जाने हो नि।’
उनले संसदमा संविधान संशोधनबारे आवाज उठाउने बताए ।
प्रतिक्रिया दिनुहोस्