शारदा शर्मा

केपी ओली कमरेड ,समय अनेक उत्भाष लिएर आउने रहेछ । हजुरको आशले दुनिया सलबलाएको समय ठ्याक्कै बलेको आगोमा पानी खन्याएजस्तो बन्यो नेकपाको अवस्था । एउटै भिजनमा दुइवटा टोकरी थापेर ब्यापार गर्दै आएका फरक स्वभावका ब्यापारीहरु मीले भने देशमा मूल्य निर्धारण लगायत त्यस्ता धेरैकुराको शक्तिसन्तुलन मिल्नेछ जहां धेरै दोकान थाप्न पर्ने अवस्था आउने छैन थोक र खुद्राबाट भन्दा होलसेलनै सस्तो पर्ने जनताको आशलाई हजुरहरुको इगोले निमिट्यान्न पार्यो । होलसेल पसलबाटनै सस्तो सामान किनेर सुख शान्तिको सास फेर्ने जनताको चाहानालाई दुइ ब्यापारीले मात्र हैन होलसेलहरुलाई सामान बेच्ने ठुला पसलहरुनै लागेर भताभुगं पारे । एक भएका ब्यापारीहरु ठ्याक्कै तीन चिरा भए । होलसेल खोजेका जनतालाई खुद्राको अर्को सटर खोलेर झनै चकित पारियो ।
जे जस्तो परे पनि समय अगाडि बढ्छनै । जनताको चाहानालाई भन्दापनि मुठीभर मानिसको स्वार्थको लागि गोटी बन्नुभयो तपाईहरु । कमरेड आलोचना पचाउन सक्ने क्षमता तपाइहरुमा कमै देखिन्छ । पढ्दा पनि लाजै लाग्ने चाकडी गर्ने एकदुइजनाका काब्य हेर्दा त तपाइहरुलाई पनि भित्र भित्र लाजत पक्कै लाग्छ होला र पनि आलोचना भन्दा त तारिफनै मन पर्छ मानिसहरुलाई । किनकी यो हाम्रो समाजको नेचर हो । हामीले निर्माण गरेको संरचनाको पात्रनै त हो तपाइहरु पनि ।

पार्टी संगठन नेतृत्व भन्दा पनि गुटगत मानसिकता एकले अर्कोलाई सकाउने यदुवंसी लडाइले सायद कम्युनिष्टहरु संधै चिरा चिरा मात्र परेका छन । अझै पनि बिस्वासत छैन आश भने मरेको छैन तपाइहरु प्रति । ओली कमरेड जे भए पनि जे गरे पनि तपाइहरु माहान हुनुहुन्छ । यो देश कसरी कुन गतिमा कुदाउने तपाइहरुकै हातमा छ । सत्ता बांडफांड गरेर आलोपालो तरमार्ने मत दिएकाछौं हामी जनताहरुले मिलेर खानु भनेर के गर्ने तपाइहरुको कुरा हो । जे सुकै गर्नुस हामी किन बोल्नु पर्यो । समाज कता जादैछ हजुरहरु निकै बिज्ञ हुनुहुन्छ । तर कतिखेरत लाग्छ सबै ठिक छ भन्ने चाटुकदारहरुले आफ्नै घर अगाडि पहिरो जांदा पनि बाटो खन्न बम बलास्ट गरिएको हो हजुर यति बजेटमा भन्यो भने हजुरहरु पत्याउनु हुन्छ ।
माफ गर्नुहोला केपी कमरेड हजुरले भ्युटावरको बिषयमा बोलेको कुरा पनि अलि हजम लागेन मलाई ।
नरिसाउनु होला अलिसमय अगाडि खै कुन कार्यक्रममा हो हजुरले भ्युटावरको बिषयमा कुरा गर्नु भएको थियो । हजुरका कुरा निकै रमाइला पनि हुन्छन त्यसैले तल ताली बजाउने मानिसहरुले पनि निकै रमाइलो मानेर ताली बजाइरहेका थिए । सबभन्दा पहिला त हजुरहरुले बुझ्नु पर्ने एउटा मूख्य कुरा हजुरले कुनै पनि बिचारको कुरा गर्नुहुन्छ भने मानिस अलमल हुन्छ सुन्न चाहांदैन बुझ्न पनि चाहांदैन तर कुनै फन्टुस कुराछ भने अनेक भनेर ताली र कमेन्ट हुन्छ ।अहिले हामीले निर्माण गरेको समाजले लिएको गति र बाटो हो यो छोडौ यी कुरा पनि ।
मूख्य बिषयमा आउं । अलि पहिल्यै होला मैले हजुरको भाषण सुन्ने अवसर पाएकी थिएं । अहिले त मानिस भाइरल हुन अनेक फन्डा गर्छन । भ्युटावरको बिषयमा मलाई त्यति ज्ञान छैन । के हेर्न भ्युटावर बनेको हो । ज्ञान नभएकोले टिप्पणी गर्न जरुरी पनि थिएन तर मैले पनि राज्यलाई कर तिर्छु । एउटा नागरिकको हैसियतले पनि बोल्न मात्र त मिल्यो हैन र । भ्युटावर जस्तै डांडाकाडाले घेरिएको समाजमा हुर्किएर होला भ्युटावरको महत्व बुझ्न नसकेको । मलाई त भ्युटावर भन्दा पुलपुलेसा बनाएर खोला तर्न सजिलो बनाउन पाए हुनेजस्तो लाग्छ । हजुरले तुइनको जमना गयो भनेर गरेको भाषण पनि सुनेकी थिएं त्यसपछि दुइचारजनाले त्यहि तुइन तर्दा ज्यान गुमाएको पनि समाचारमा बनाउनु पर्यो । खै कता हो हिंजो आजनै बिद्यार्थीहरु निकै कस्टको साथ खोला तरेको पनि देखियो । हुनत हजुरहरुलाई हात मोल्नेहरुले सबै ठिक भयो तुइन जति पुल बने खोला माथि रिभल्बिगं बने भनेका पनि हुनसक्छन । हामी ज्ञाननै नभएका मानिसलाइ के भ्युटावर के सिसाटावर।

बिहान बेलुकाको गर्जो टार्न पाए पनि ठुलै संकट टार्न सकियो जस्तो अवस्था सिर्जना हुन थाल्यो । आर्थिक मन्दिले जनजीवन अस्त ब्यस्त बनेको समय हजुरहरुका कुरा सुन्दा अनौठो लागेर आउछ । यो टावर त बन्यो बन्यो अव पनि यस्ता निर्णय गर्दा जनताको सरोकारमा ध्यान दिनुहोला । मानिसको जनजीवन लथालिंग बनेको अवस्थामा कुन हौसलाले भ्युटावर पुगेर फेरि के हेर्ने हो ?टावरको बिरोध गरेको हैन घरै पिच्छे टावर भए मानिस झन बाहिर जानै पर्दैनथ्यो । घरघरबाट छिमेकीलाई हेर्न हुने थियो । यसैमा सम्झना आयो अष्ट्रेलिया जांदा यौटा होटलमा बसेको बहत्तर तला माथि परिएछ साथीहरुले भन्नु भयो अब सिड्नी टावरलाई खर्च गर्नु पदैन देखिने यही भ्यु हो । फाइदा त होलान तर हेर्नुन जताततै ब्यापार ठप्प छ महंगीले सिमा नाघेको छ । कुनै बस्तुको भाउ पनि छोइखाइ साध्य छैन । शहरका साना ब्यापारीहरु सुन्दर शहरको बाहानामा लखेटिंदैछन । मानिसनै नभएको शहरको कल्पना होकी के हो? सबै कुरालाई गलत भन्नत सकिदैन

हजुरहरुबाट वाक्क भएकोले जनताले शहरमा मत बदलेका छन । पैसा भएपछि जस्का जग्गा जमिन जस्लाइ पनि मिलाइदिन सक्ने तपाइहरुले सार्वजनिक जग्गाहरु समेत हडपेर बांडफाड गरेर खाएको देखेरनै नयां आउनेहरुले त्यस्लाई एजेन्डा बनाउनु स्वभाबिक थियो। । तर उनिहरुसंग पनि सोचेजस्तो भिजन भएन । ल गर्ने हान्ने र स्टन्ट गर्ने भन्नेबाहेक जनतासंग प्रत्यक्ष जोडिएका समास्याहरुको संबोधन भएन । कमरेड गांउमा मानिसहरु छैनन । भन्न सजिलो छ गांउ गए हुन्छ । हजुरहरुले संघियताको परिकल्पना गरेर गाउं गाउमा सिंहदरवार भन्नुभयो तर गाउंमा गाउ गाउमा लुटेरा जस्तो अवस्था आयो । तपाइहरुका कार्यकर्ताहरुको उपस्थिति त होला तर सबैलाई गरेर हैन ठगेर खान सिकाउनु भयो अझ उनिहरुकै ठुला कुरा । बैज्ञानिक कृषि प्रणाली छैन । पहाडतिर राम्रो खेती पाती हुंदैन बर्षदिन काम गरेर खान पुग्दैन बच्चाहरु पढाउनेको त कुरै नगरम । जनता सक्षम भएको देशको शासक हुनुपो राम्रो होला तपाइहरुत आफुलाई कुनैकुराको अभाव नभए पछि अरु किरा बराबर भनेर हिंडन थाल्नु भयो । ।तैपनि त्यो पैसाले जनताको प्रत्यक्ष सरोकारको बिषयमा सम्बोधन गर्ने कृषीमा लगानी गरेको भए पनि हुने जस्तो लाग्छ । मैले हजुरलाई मात्र भन्न खोजेको हैन सबै पार्टी र नेताहरुको कुरा यही हो । यो बिषयमा जति मैले उठाएका कुराहरु छन हजुरलाई मात्र पक्कै हैन नरिसाउनु होला ।

हजुरले भ्यु टावर बन्यो र न कामदारले काम पायो सिमेन्टको बालुवाको ब्यापार भयो एकै पटकमा धेरैले रोजगार पाए लगायतका कुरा गर्दा हांसो पनि लाग्यो । ब्यापार त जनताको सरोकारमा खर्च गर्नसकेको भए पुल बन्दा पनि हुने थियो । ठाउं ठाउमा चिस्यान केन्द्र राखिदिएर जनताले उत्पादन गर्ने दुध र तरकारीको बिषयमा लगानी गरेको भए पनि त हुने थियो । बिजुली बेच्ने देशका दुरदराजमा अझै पनि बिजुली नगएका गाउंहरु पनि रहेछन त्यहां खर्च गर्न पाएको भए पनित हुनेथियो । तर हजुहरुसंग पुल बनाउंछौ भन्नेहरुले बनाएका पुल वल्लो छेउ बाट पल्लो छेउ नपुग्दै भत्केका समाचारहरु पनि देख्न पाइन्छ । कमरेड हुनत बनिहालेको भ्युटावरको बिषयमा देशको अबिभावकले यतित भन्नै पर्यो । र पनि जग हंसाउने यस्ता कुराहरु कम गरेर जनताको जीवनस्तर उकास्न मिल्ने कामहरु गर्न पाए कसो हुन्थ्यो होला ?