काठमाडौँ, १ फागुन । नेपाली कांग्रेसका नेता डा.शेखर कोइरालाले सरकारले जनयुद्ध दिवस मनाउन बिदा दिएकोप्रति प्रश्न गरेका छन् ।
नेता कोइरालाले प्रधानमन्त्री पुष्पकमल दाहाल ‘प्रचण्ड’ले सार्वजनिब बिदा कटौती गरौँ पनि भन्ने तर संविधानले नचिनेको ‘जनयुद्ध दिवस’का नाममा बिदा दिएको भन्दै प्रश्न गरेका हुन् ।
उनले सामाजिक सञ्जाल ट्विटरमा लेखेका छन्, “आम नेपाली जनतासामु सरकारले के सन्देश दिन खोजेको ? देश कता जाँदै छ ? कस्तो शासन व्यवस्थाको अभ्यास गर्न खोजिदैछ ?”
आइतबार बसेको मन्त्रिपरिषद् बैठकले फागुन १ गतेलाई ‘जनयुद्ध दिवस’ मनाउन भन्दै सार्वजिन बिदा दिएको छ ।
एकातिर स्वयं प्रधानमन्त्री सार्वजनिक बिदा कटौती गरौं भन्दै हुनुहुन्छ तर एकाएक आएर सरकारले संबिधानले चिन्दै नचिनेको जनयुद्ध दिवस का नाममा सार्वजनिक बिदा दिने घोषणा गरेको छ । आम नेपाली जनतासामु सरकारले के सन्देश दिन खोजेको? देश कता जाँदैछ? कस्तो शासन व्यवस्थाको अभ्यास गर्न खोजिदैछ?
— Dr Shekhar Koirala (@Shekharnc) February 13, 2023
प्रतिक्रिया दिनुहोस्