काठमाडौँ, २८ माघ । श्रीलंकाले भूकम्प प्रभावित टर्कीमा उद्धारमा सघाउन सैनिक टोली पठाउने भएको छ । राष्ट्रसंघीय मानवीय कार्यमा सघाउन सैनिक चिकित्सक एवम् इञ्जिनियर पठाइने प्रधानमन्त्रीको कार्यालयले जनाएको छ ।

राष्ट्रपति रनिल विक्रमासिंघेको निर्देशनमा प्रधानमन्त्री दिनेश गुणवर्द्धनेको अध्यक्षतामा बिहीबार राति भएको मानवीय सहायताको व्यवस्थासम्बन्धी छलफलमा उक्त निर्णय भएको हो ।

उक्त निर्णय कार्यान्वयन गर्न प्रधानमन्त्रीका सचिव अनुरा दिसानायकेको संयोजकत्वमा समिति गठन गरिएको छ । प्रधानमन्त्रीको कार्यालयका अनुसार लेबनानमार्फत सिरियाका लागि मानवीय सहायता उपलब्ध गराउनेबारे पनि छलफल भएको थियो ।