काठमाडौं, ४ जेठ । विश्व स्वास्थ्य संगठनले कंगो र युगान्डामा फैलिएको इबोला प्रकोपलाई अन्तर्राष्ट्रिय सरोकारको सार्वजनिक स्वास्थ्य आपतकाल घोषणा गरेको छ।कुनै स्वीकृत खोप वा उपचार नभएको एक दुर्लभ प्रजाति पहिचान गरिएको भन्दै संगठनले सो भाइरस व्यापक रूपमा फैलिरहेको हुन सक्ने चेतावनी दिएको छ।

बुन्दिबुग्यो इबोला भाइरसका कारण फैलिएको यो प्रकोपले अन्तर्राष्ट्रिय स्वास्थ्य नियमहरू अन्तर्गत उच्च सतर्कताको तह पार गरेको संगठनले आइतबार जनाएको छ। सीमापार संक्रमण, कारण खुल्न नसकेका सामूहिक मृत्युका घटनाहरू र महामारीको आकारबारे व्याप्त ठूलो अनिश्चितताका कारण यो कदम चालिएको हो।

यो घोषणा युगान्डाको राजधानी काम्पाला र कंगोको करिब २ करोड जनसंख्या भएको विशाल राजधानी किन्शासामा इबोलाका संक्रमितहरू पुष्टि भएपछि गरिएको हो। यसले भाइरस सुरुमा पहिचान गरिएको दुर्गम खानी क्षेत्रभन्दा बाहिर फैलिसकेको पुष्टि गर्दछ।

ुयो घटनालाई असाधारण मानिएको छ,ु डब्लूएचओका महानिर्देशक टेड्रोस अधानोम गेब्रेयससले घोषणामा भनेका छन्। उनले बुन्दिबुग्यो(विशिष्ट स्वीकृत खोप वा उपचारको अभाव, पूर्वी कंगोमा जारी असुरक्षा र प्रकोप आधिकारिक गणनाभन्दा धेरै ठूलो हुन सक्ने प्रमाणहरूलाई यसको कारणका रूपमा उल्लेख गरे।

अफ्रिका सेन्टर्स फर डिजिज कन्ट्रोल एन्ड प्रिभेन्सनका अनुसार, मे १६ सम्ममा कंगोको इटुरी प्रान्तमा प्रयोगशालाबाट प्रमाणित ८ वटा, शंकास्पद ३३६ वटा संक्रमण र ८७ वटा शंकास्पद मृत्युका घटनाका विवरणहरू आएका छन्। युगान्डाले कंगोबाट आएका यात्रुहरूमध्ये काम्पालामा एक मृत्युसहित दुईवटा संक्रमणको पुष्टि गरेको छ। यो प्रकोप पहिचान हुनुअघि नै हप्तौंसम्म थाहा नपाई फैलिएको हुन सक्ने अनुमान गरिएको छ। प्रारम्भिक परीक्षणमा विभिन्न क्षेत्रहरूबाट संकलन गरिएका १३ वटा नमुनामध्ये ८ वटामा इबोला पोजेटिभ देखिएको थियो भने इटुरी र छिमेकी उत्तर किभु प्रान्तमा थप अस्पष्ट मृत्यु र शंकास्पद बिरामीहरू फेला परेका छन्।