काठमाडौं १० पुस : प्रधानमन्त्री र राष्ट्रपति दुवै कांग्रेसले लिए नेकपा माओवादी केन्द्र प्रतिपक्षमा बस्ने भएको भएको छ ।आइतबार बिहान खुमलटारमा बसेको पदाधिकारी बैठकले राष्ट्रपति र प्रधानमन्त्री दुवै कांग्रेसले लिएमा प्रतिपक्षमा बसेर रचनात्मक सहयोग गर्ने निर्णय गरेको हो ।
नेपाली कांग्रेसका सभापति एवम् प्रधामन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच चुनाव लगतै प्रचण्डलाई प्रधानमन्त्री बनाउने समझदारी भएको थियो । तर, अहिले राष्ट्रपति र प्रधानमन्त्री दुबै कांग्रेस बन्न खोजे सरकारमै सहभागी नहुने एक पदाधिकारीले बताए ।
‘हामीले गठबन्धनको इमान्दारिताका साथ पालना गरेका छौं । चुनाव लगतै प्रचण्ड कमरेडलाई प्रधामन्त्री बनाउने भद्र सहमति भयो । त्यसैले पहिलो चरणको प्रधानमन्त्री आधा कार्यकालको पहिलो चरण माग गरेका हौं’ ति पदाधिकारीले भने, ‘अहिले कांग्रेस नेताहरु राष्ट्रपति र प्रधानमन्त्री मेरै हुनुपर्छ भन्छन् । त्यसरी समझदारी गरेर जान सकिँदैन । बरु प्रतिपक्षमा बसेर पार्टी र संगठन बनाउनुपर्छ भन्ने सुझाव दिएका छौं ।’
प्रधानमन्त्री देउवाकै कारण गठबन्धन टुट्ने अवस्थामा पुगेको ति पदाधिकारीले बताए । अब गठबन्धन रहने वा नरहने देउवाकै हातमा भएको माओवादी नेताहरुले बताएका छन् ।
माओवादी पदाधिकारी बैठक लगत्तै अध्यक्ष प्रचण्ड बालुवाटार पुगेका छन् ।
नयाँ सरकार गठबनका लागि आआफ्ना दावीबाट नेका र माओवादी पछि नहटेको बेला बालुवाटारमा नेपाली कांग्रेसका सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच वान टु वान वार्ता भएको छ ।
गठबन्धनको निर्णायक बैठकअघि देउवा–दाहाल वान टु वान वार्तामा बसेका हुन् । नयाँ सरकारमा पहिलो चरणमै को प्रधानमन्त्री बन्ने भन्नेमा देउवा–दाहलबीच सहमति जुटिसकेको छैन ।
दुई जनाबीच कुनै चमत्कारिक प्रस्ताव नआएमा नेका–माओवादी सहितको ५ दलीय गठबन्धन टुट्ने र पुनः वाम नेतृत्वका नयां गठबन्धन बन्ने तयारी भएको बताइएको छ । विभिन्न शक्ति केन्द्रहरुले देउवा र प्रचण्डमाथि सत्तारुढ गठबन्धन जोगाउन भन्दै अमूर्त दबाव दिंदै आएका छन् ।
सम्वन्धित समाचार
प्रतिक्रिया दिनुहोस्