काठमाडौँ, १४ मंसिर । प्रतिनिधिसभाका १६५ मध्ये १६१ वटा निर्वाचन क्षेत्रको मतपरिणाम सार्वजनिक भएको छ । अब ४ वटा क्षेत्रको मात्रै मतपरिणाम आउन बाँकी छ ।
सुनसरी–४ मा मतगणना भइरहेको छ । सुनसरी ४ मा नेपाली कांग्रेसका ज्ञानेन्द्रबहादुर कार्कीको अग्रता छ । कार्कीले २५ हजार ९४४ र उनका प्रतिस्पर्धी नेकपा ९एमाले०का जगदीशप्रसाद कुसियैतले २५ हजार ६२२ मतसहित पछ्याइरहेका छन् ।
दोलखा, स्याङ्जा र बाजुराको भने विवादका कारण मतगणना नै सुरू भएको छैन । पछिल्लो पटक उदयपुर–१ मा नेपाली कांग्रेसका डा।नारायण खड्का विजयी भएका छन् । उनले प्रतिस्पर्धी एमालेकी मञ्जु चौधरीलाई २ हजार ३७९ मतान्तरले हराए । खड्काले ३१ हजार २७० र चौधरीले २८ हजार ८९१ मत प्राप्त गरेका छन् ।
यस्तै, सुनसरी–३ मा कांग्रेसका नेता विजयकुमार गच्छदारलाई हराएर एमालेकी भगवती चौधरी विजयी भएकी छन् । पछिल्लो यो नतिजासँगै मतगणना सकिएका १६१ स्थानमध्ये कांग्रेस ५४, एमाले ४४, नेकपा ९माओवादी केन्द्र० १७, नेकपा ९एकीकृत समाजवादी १० ठाउँमा विजयी भएका छन् ।
राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी सात–सात ठाउँमा विजयी भएका छन् । स्वतन्त्र उम्मेदवारले ५ ठाउँमा जितेका छन् । लोकतान्त्रिक समाजवादी पार्टीले ४ ठाउँमा जितेको छ । नागरिक उन्मुक्ति पार्टीले ३ ठाउँमा जित्दा जनमत पार्टी, राष्ट्रिय जनमोर्चा र नेपाल मजदुर किसान पार्टीले एक–एक ठाउँमा जितेका छन् ।
प्रतिक्रिया दिनुहोस्