इन्दिरा खनाल

टोकियो, ,२३ कात्तिक । ३ जनालाई पछी पार्दै नेपाल पत्रकार महासंघ जापान शाखाको अध्यक्षमा शान्त पहरी निर्वाचित हुनुभएको छ । आइतबार जापानको राजधानी टोकियोमा सम्पन्न अधिवेशनबाट पहरी अध्यक्षमा निर्वाचित हुनुभएको हो ।सहमतीमा ल्याउन निकै प्रयास गरेपनि सहमती नजुटेपछी अन्तत निर्वाचन गर्नुपरेको थियो । ६६ जना सदस्य रहेको जापान शाखामा ५० जना मतदानमा सहभागी भएको निर्वाचन समितीका संयोजक खगराज गौतमले जानकारी दिनुभयो ।

पहरीले अध्यक्ष पदका अरु ३ उम्मेदवार दिपक गौतम, कविकिरण न्यौपाने र पूर्णबहादुर चलाउनेलाई पछी पार्दै १६ मत ल्याएर निर्वाचित हुनुभएको हो । गौतमको १४ न्यौपानेको ११ र चलाउनेको ६ मत खसेको थियो ।

त्यस्तै उपाध्यक्षमा रविन्द्र श्रेष्ठ निर्वाचित हुनुभएको छ। श्रेष्ठले अन्य २ प्रतिस्पर्धी गोकर्ण अधिकारी र विनोदकुमार सापकोटालाई हराउदै निर्वाचित हुनुभएको हो । श्रेष्ठको १८ मत खसेको थियो भने अधिकारीको १७ र सापकोटाको ११ मत खसेको थियो ।

अध्यक्ष र खुला उपाध्यक्ष पदबाहेकमा सर्वसम्मत पदाधिकारी चयन भएको हो । जसमा महिला उपाध्यक्षमा इन्दिरा खनाल , सचिवमा राजन गौतम , खुला सह–सचिवमा विश्वास आचार्य, समावेशी सह–सचिवमा सजिना मोक्तान, कोषाध्यक्षमा अर्जुन लामिछाने चयन हुनुभएको छ ।

सदस्यहरुमा कृष्णप्रसाद अधिकारी, लक्ष्मी पौडेल, विकास लम्साल, भुपेन्द्र केसी, विष्णुप्रसाद सापकोटा, दुबल सिंह गुरुङ्, प्रमेश शेर्पा, फुर्वा शेर्पा चयन हुनुभएको छ भने केन्द्रीय परिषद् सदस्यमा मनिषा चम्लागाईँ र राजविन थापा चयन हुनुभएको छ ।

अधिवेशनको उद्धघाटन पत्रकार महासंघका केन्द्रीय महासचिव रोशन पुरीले गर्नुभएको थियो भने घोषणा सभामा जापानका लागि नेपाली राजदूत डा। दुर्गाबहादुर सुवेदी, जनप्रगतीशील मंच्च जापानका कार्यवाहक अध्यक्ष मोहन पौडेल, एनआरएनए जापानका महासचिव सिद्धार्थ श्रेष्ठ, अनेसास जापानका अध्यक्ष रविन शर्मा , बाबुराम भण्डारी लगायत जापानमा क्रियाशिल संघसंस्थाका अध्यक्ष तथा प्रतिनिधीहरुले शुभकामना दिनुभएको थियो । यसै विच नया कार्यसमितीले मगलबार सपथ तथा पदभार ग्रहण गरी आफनो ज़िम्मेवारी सम्हालेको छ ।