काठमाडौं ३० असार । प्रधानमन्त्री शेरबहादुर देउवाले वैदेशिक रोजगारमा गएकाहरुको समस्या समाधान गर्न सरकार प्रतिवद्ध रहेको बताउनुभएको छ ।
प्रधानमन्त्री देउवाले वैदेशिक रोजगारमा गएकाहरुको जीवन सुरक्षा गर्न पनि सरोकारवालाहरुले मिलेर काम गर्नुपर्ने आवश्यक्ता औल्याउनुभयो ।
आज काठमाडौंमा नेपाल वैदेशिक रोजगार व्यवसायी संघको २५ औं वार्षिक साधारणसभालाई सम्बोधन गर्दै उहाँले वैदेशिक रोजगारमा गएकाहरुले नेपालको अर्थतन्त्रमा ठूलो योगदान दिएको पनि स्पष्ट पार्नुभयो ।
प्रधानमन्त्री देउवाले स्वदेशमा रोजगारीको अवसर नहुँदा नेपालीहरुले विदेशी भूमिका काम खोज्न जानुपर्ने बाध्यतात्मक अवस्था रहेको पनि स्मरण गराउनु भयो ।
प्रधानमन्त्री देउवाले वैदेशिक रोजगारमा गएकाहरुको समस्या समाधान गर्न सरकार सरोकारवाला निकायसँग मिलेर काम गर्न तयार रहेको पनि बताउनुभयो ।
प्रतिक्रिया दिनुहोस्