काठमाडौं । सभामुख अग्नीप्रसाद सापकोटाले पत्रकारिता र संसद् लोकतन्त्रको आत्मा भएको बताउनुभएको छ । सङ्घीय संसद् सचिवालयद्वारा आज यहाँ आयोजित संसदीय प्रभावकारिताका लागि सञ्चारकर्मीको भूमिका विषयक कार्यक्रममा उहाँले लोकतन्त्रको असल अभ्यास गर्न सकियो भने अहिले हाम्रो सबैभन्दा ठूलो उपलब्धि त्यही हुने उल्लेख गर्नुभयो ।
सभामुख सापकोटाले भन्नुभयो, “लोकतन्त्र भनेको प्रवचन, उपदेश र निर्देशन गर्ने विषय नभई ज्ञानको धारा हो ।” संविधान राम्रो भएपनि असल अभ्यास गर्न नसक्दा अनेकौँ उतार चढाव व्यहोर्नुपरेको उल्लेख गर्दै उहाँले पत्रकारिताको तागत र शक्तिलाई आपूmले गहिरो ढङ्गबाट बुझेको उल्लेख गर्नुभयो । राष्ट्रियसभाका उपाध्यक्ष शशिकला दाहालले राष्ट्रको चौथो अङ्गका रुपमा रहेको पत्रकारिता क्षेत्रले पछि परेको समूदायको आवाजलाई प्राथमिकताकासाथ समेट्न सुझाव दिनुभयो । संसद् संचिवालयका महासचिव डा भारतराज गौतमले कोभिड–१९ का बावजुद संसदीय गतिविधिसम्बन्धी समाचार र सूचना जनतासमक्ष तत्काल पु¥याउन पत्रकारिता जगतले ठूलो सहयोग पु¥याएको बताउनुभयो ।
प्रतिनिधिसभाका सचिव गोपालनाथ योगीले संसद्का गतिविधि मुलुकभर पु¥याउने र संसदीय निगरानी राख्ने विषयलाई पत्रकारिताको क्षेत्रबाट ठूलो योगदान भएको बताउनुभयो । राष्ट्रियसभा सचिव राजेन्द्र फँुयालले लोकतन्त्रले उत्तरदायी र जवाफदेहीता खोज्ने भएकोले संसदीय गतिविधिलाई जनउत्तरदायी तुल्याउने सवालमा सञ्चार जगतबाट गौरव गर्न लायकको काम भएको बताउनुभयो ।
सचिवालयका प्रवक्ता डा रोजनाथ पाण्डे र पत्रकार मनोज सत्यालले संसदीय गतिविधि र पत्रकारिता विषयमा प्रस्तुत गर्नुभएको कार्यपत्रमाथि सचिवालयका सचिव सुदर्शन खड्का र पत्रकार विनु सुवेदीले टिप्पणी गर्नुभएको थियो । दुईदिने उक्त कार्यक्रममा काठमाडौँबाट प्रकाशित एवम् प्रसारित राष्ट्रिय सञ्चारमाध्याममा संसदीय बिटमा कार्यरत समाचारदाताको सहभागिता छ ।
प्रतिक्रिया दिनुहोस्