राजविराज २० पुस । आज राजविराजमा भएको सम्मान कार्याक्रममा बोल्दै संघीय समाजवादी फोरमका अध्यक्ष उपेन्द्र यादवले सबैभन्दा बढी सिट जितेका केपी ओली हतारहतार प्रधानमन्त्री हुन कुदेका थिए, संविधान निकालेर देखाएपछि खाली खुट्टा फिर्ता भएको बताएका   छन् । संविधान सच्याऔं भनेर चिच्याउँदा वास्ता गरेनन्, अहिले आएर कांग्रेस, एमाले र माओवादी आफूले खनेको खाल्डोमा आफैं परेका जीकिर गरे ।

राजविराजमा बिहीबार आयोजित सम्मान कार्यक्रममा अध्यक्ष यादवले मुलुकमा राजनीतिक स्थिरताका लागि सबै दल मिलेर संविधान संशोधन गर्नु नै एकमात्र विकल्प भएको पनि बताए। संविधानमा रहेको त्रुटिपूर्ण व्यवस्थाकै कारण निर्वाचन परिणाम आइसक्दा पनि सरकार गठनमा ढिलाइ भएको उनले टिप्पणी गरे।

‘सरकार गठनमा देखिएको संवैधानिक अड्चनपछि जबर्जस्ती संविधान जारी गर्ने तीनै दलका नेताहरुले संविधानमा त्रुटि रहेको कुरा स्वीकार गरिरहेको बताउँदै सरकार गठनमा भएको ढिलाइमा तीनै ठूला दलले जबर्जस्ती लागू गरेको संविधान नै बाधक बनेको भन्दै यादवले अन्य धेरै ठाउँमा संवैधानिक जटिलता रहेकाले संविधान संशोधन गरे मात्रै मुलुकको भलाइ हुने बताए।

विश्वमा कतै पनि तल्लो सदन र माथिल्लो सदनलाई जोडेर सरकार गठन गर्ने र परिभाषित गर्ने व्यवस्था नभएको जिकिर गर्दै यादवले थपे, ‘अहिले संघीय संसदमा ३३ प्रतिशत महिला पुर्‍याउनैपर्ने व्यवस्थाले अर्को संकट पैदा गरेको छ। यस्ता संकट अरु धेरै आउने निश्चित उनले बताए ।