काठमाडौं । नेपाली कांग्रेसका नेता तथा पूर्वअर्थमन्त्री डाक्टर रामशरण महतले यथाशक्य चाडो सरकारलाई पूर्णता दिई पूर्ण बजेट ल्याउनुपर्ने धारणा राख्नुभएको छ । नेता महतले सरकारलाई पूर्णता दिनको लागि ढिलाई भएको भन्दै सरकार गठन भएको यत्तिका दिन बितिसक्दा पनि मन्त्रिपरिषद् विस्तार हुन नसक्नु गलत भएको टिप्पणी समेत गर्नुभयो । सत्तापक्षीय गठबन्धनमा आवद्ध दलहरूसगको सहमतिमा जतिसक्दो चाडो मन्त्रिपरिषद् विस्तार गर्नुपर्ने उहाको भनाई छ ।

उहाले वर्तमान सरकारले यसअघिको सरकारले गरेका गलत कामलाई खारेज गर्नुपर्ने र कमजोरिहरु सच्याउनुपर्ने धारणा राख्नुभयो । सरकारले जतिसक्दो चाडो पूर्ण बजेट ल्याउनुपर्ने उहा“को तर्क छ । यसअघि अध्यादेशबाट ल्याइएको बजेटलाई प्रतिस्थापन गर्नको लागि पनि नया“ पूर्ण बजेट ल्याइनुपर्ने महतले स्पष्ट पार्नुभयो । अब ल्याउने बजेट कृत्रिम रुपमा आकारमात्रै बढाउन नहुने सुझाव समेत दिनुभयो । यसअघि अध्यादेशमार्फत आएको बजेटले राष्ट्रको आन्तरिक र बाह्य दुवै ऋण बढाएको महतको गुनासो छ ।

अहिले एक नागरिकको टाउकोमा ५२÷५३ हजार वैदेशिक ऋण पुगेको भन्दै अब बजेट ल्याइदा प्रशासकीय खर्च सोत हटाउनेतर्फ सरकारले ध्यान दिनुपर्ने नेता महतले जोड दिनुभयो । वर्तमान सरकारले पूर्ण बजेट ल्याउनको लागि तयारी गर्नुपर्ने बताउनुभयो । सरकारले भूमि आयोग विघटन गरेकोमा खुशी व्यक्त गर्दै सरकारको यो कदमलाई सकारात्मक रुपमा लिनुपर्ने तर्क राख्नुभयो ।