काठमाडौं, १३ पुस । एमाले–माओवादीका कार्यकर्ताले चुनाव सकिएको एक हप्ताभित्र पार्टी एकिकरण हुन्छ भन्ने विश्वास गरेका थिए । करिब एक महिना पुग्नै लाग्दा पनि पार्टी एकताको बारेमा आधिकारिक तथ्य बाहिरएको छैन् । गत मंसिर १० र २१ गते सम्पन्न भएको निर्वाचनले एमाले–माओवादी गठबन्धनलाई वहुमत प्राप्त भएको छ । जनताले एमाले–माओवादीको बिचार र घोषणापत्रको आधारमा बहुमत दिएका होईन भन्दा अन्यथा हुँदैन । 

बुधबार बालकोटमा अध्यक्षद्धयको भेटले तीनवटा निर्णय बाहिर ल्याएको छ । नयाँ सरकार गठन, पार्टी एकता र राष्ट्रिय सभाको गठन प्रक्रियालाई टुंगोमा पुर्याउने । नयाँ बन्ने सरकार र पार्टीको पद र जिम्मेवारी आलोपालोमा केन्द्रित भएको छ । पार्टी एकता पछि पनि किन आलोपालो भन्ने प्रश्न जता ततै उठ्न थालेको स्थिति छ । पाँच वर्षे स्थिर सरकार र पार्टी एकताको लागि भोट दिएका नेता कार्यकर्ता र जनताले एकताबाट पछि हट्न दिने अवस्था छैन् । यसैको आधारमा पनि नेताहरुको व्यवस्थापनमा पार्टी एकता फसेको देखिन्छ ।

नयाँ बन्ने सरकारको प्रधानमन्त्री एमाले अध्यक्ष केपी शर्मा ओली हुने पक्का छ । पार्टीको अध्यक्ष माओवादी केन्द्रका अध्यक्ष पुष्पकमल दाहाल प्रचण्डको सम्भावना छ ।
पार्टी अध्यक्ष पछिको शक्तिशाली पद महासचिव मानिन्छ । एमाले–माओवादीबीचको एकता पछिको महासचिव को बन्ला भन्ने चर्चा सामान्य रुपमा उठेपनि यस विषयले ठुलो स्थान पाउन सकेको छैन् ।
एक सुत्रका अनुसार पार्टी एकता पछिको महासचिव एमाले उपाध्यक्ष भीम रावल र महासचिव ईश्वर पोखरेलमध्ये एकजना हुनेछन् । वरियता, पार्टीभित्र र बाहिर प्रभावशाली नेताको रुपमा कहलिएका रावलको सम्भावना बढेको देखिन्छ । रावल पटक–पटक मन्त्री भईसकेका छन् । ईश्वर पोखरेललाई गृहबाहेक उप(प्रधानमन्त्री सहित जुनसुकै मन्त्रालय दिने एमालेभित्र वहस सुरु भएको छ ।
किनकी एमालेभित्रको एउटा गुटको नेतृत्व गर्ने एमाले अध्यक्ष ओली प्रधानमन्त्री हुने र अर्को गुटका भीम रावल पार्टी महासचिव हुने गृहकार्यमा जुटेको बुझिएको स्रोतको दावी छ । सरकारको नेतृत्वलाई भागवण्डाको आधारमा हेर्ने हो भने ओली प्रधानमन्त्री भए माओवादीले गृहमन्त्रालयको जिम्मेवारी पाउने छ ।