धनकुटा ७ पौष, प्रदेश नं. १ को राजधानी धनकुटालाई बनाउनका लागी आज दोस्रो चरणको घोषित कार्यक्रम सम्पन्न गर्दै धनकुटामा तेस्रो चरणको कार्यक्रम घोषणा गरेको छ ।
धनकुटालाई प्रदेश नं. १ को राजधाानी माग गर्दै पहिलो र दोस्रो चरणको आन्दोलनलाई सशक्त बनाउदै आएकोमा भोली देखी तेस्रो चरणको आन्दोलनको कार्यक्रम घोषणा गरेको छ ।
तेस्रो चरणको आन्दोलनको कार्यक्रम अनुसार धनकुटालाई प्रदेश नं. १ को राजधानी बनाउन धनकुटा बजार,हिले बजार लगायत धनकुटाको सातवटै तहमा हस्ताक्षर संकलन अभियान र छिमेकी जिल्लाहरुको समेत समर्थन जुटाउन विभिन्न किसिमको कार्यक्रमहरु संचालन गरिने अभियानका सदस्य सचिव दोर्ण गुरागाईले वताउनु भयो ।
आन्दोलनलाई अझ सशक्त र रचनात्मक बनाउदै निर्णायक ढंगले संचालन गर्दै लैजाने वताउदै अभियानका अगुवाहरु सुन्दरबाबु श्रेष्ठ,विजय सन्तोषी राई,तारा तितुग,राजु श्रेष्ठ,विप्लव श्रेष्ठ,सुजनभाई जोशी लगायतले फेरी एकपटक धनकुटालाई १ नम्वर प्रदेशको राजधानी बनाउन सवैले सशक्त ढंगले लाग्नु पर्ने वताउनु भयो ।
धनकुटाको हिले,पाख्रिवास,सिधुवा,जितपुर लगायतका बजारहरुमा समेत धनकुटालाई १ नम्वर प्रदेशको राजधानी बनाउनका लागी कार्यक्रम संचालन गर्दै लैजाने धनकुटा उद्योग बाणिज्य संघका सदस्य सचिव जयन्द्र प्रधानले वताउनु भयो ।