काठमाडौं, मंसिर २२ ।

प्रतिनिधिसभा तथा प्रदेशसभा निर्वाचनको मतपरिणाम आउने क्रमको सुरुवात संगै बाम गठबन्धनका उम्मेदवारहरुको बिजयी सुरुवात भएको छ ।
मनाङमा नेकपा एमालेले बिजययी सुरुवात गरेसंगै रुकुम पुर्वमा पनि माओबादी केन्द्रले खाता खोलेको छ । मनाङबाट पोल्देन छोपाङ गुरुङ प्रतिनिधिसभा सदस्यमा चुनिएका छन् भने रुकुम पूर्वबाट कमला रोका बिजयी भएकी छिन् ।
रोकाले निकटम प्रतिस्पर्धी हरिशंकर घर्तीमगरलाई ठूलो अन्तरले पछि पारिन् । रोकाले १० हजार ४३४ मत ल्याउंदा घर्तीले ४४०६ मत ल्याए । त्यस्तै नयँ शक्तिले पनि रुकुममा १४८९ मत ल्यएको छ । उता मनाङमा पूर्वमन्त्री तथा कांग्रेस नेता टेकबहादुर गुरुङलाई २ सय ८९ मतल पराजित गर्दै गुरुङ विजयी भएका थिए । पोल्देन छोपाङ २ हजार ३ सय मतसहित जित हात पार्दा प्रतिद्वन्द्वी टेकबहादुरले २ हजार २१ मत पाएका छन् ।
कमला रोका नेकपा माओवादीकी मात्रै होइन यसपटक प्रतिनिधिसभा सदस्यमा निर्वाचित हुने पहिलो महिला पनि हुन् ।
पूर्वी रुकुममा मंसिर १० गते मतदान भएको थियो र बिहीबार सांझ ५ बजेदेखि मतगणना सुरु भएको थियो ।