डडेल्धुरा, २१ मंसिर । प्रधानमन्त्री शेरबहादुर देउवाका प्रतिस्पर्धी नेकपा माओवादी केन्द्रका नेता खगराज ले मतदान गरेका छन् । मतदान गरेपछिको संक्षिप्त प्रतिक्रियामा उनले भने, ‘यसपाली मेरो जितलाई कसैले रोक्न सक्दैन ।’ भट्टले जिल्लाको चिपुर स्वास्थ्य चौकी क मतदान केन्द्रमा विहान ९ बजे मतदान गरेका हुन् । आफू लामो समयदेखि जनताको हकअधिकारका लागि लडेको र अब राजनीतिक क्रान्ति पुरा भएकोले सम्बृद्धिका लागि एकजुट भएर लड्नु पर्ने बताए ।
अघिल्ला चुनावमा माओवादी एक्लैले देउवालाई कडा चुनौति दिएको र झिनो मतले आफू पराजित भएको बताउदै अहिले वाम गठबन्धनसँगै जनलहर आफ्नो पक्षमा रहेको बताए । भट्टले भने, ‘जित सुनिश्चित छ । मतदान प्रक्रिया र विजयको घोषणा हुन बाँकी छ ।
प्रतिक्रिया दिनुहोस्