नेपाल आयुर्वेद औषधि व्यवसायी संघले रोग प्रतिरोधी क्षमता वृद्धि गर्ने ८ लाख १२ हजार बराबरको औषधि स्वास्थ्य तथा जनसंख्या मन्त्रालयलाई हस्तान्तरण गरेको छ ।

नेपाल आयुर्वेद औषधि व्यवसायी संघले क्वारेन्टीनमा रहेका कोभिड–१९ संक्रमितहरुको रोग प्रतिराधात्मक क्षमता वृद्धि गराउने जडीबुडी मिश्रित विभिन्न आयुर्वेदिक औषधिहरु स्वास्थ्य तथा जनसंख्या मन्त्रालयलाई हस्तान्तरण गरेको हो । अहिलेसम्म कोभिड–१९ विरुद्ध लड्ने कुनै पनि औषधि र भ्याक्सिनहरु बनिनसकेको अवस्थामा कोरोनाविरुद्ध लड्न ईम्यून पावर नै बढाउनुपर्ने भएकोले स्वास्थ्य मन्त्रालयको प्रोटोकल अनुसारको ८ लाख १२ हजार ७ सय बीस बराबरको औषधिहरु मन्त्रालयलाई सहयोग स्वरुप हस्तान्तरण गरिएको संघका अध्यक्ष जंगराज गिरीले बताउनुभएको छ ।

स्वास्थ्य तथा जनसंख्या मन्त्रालयले भने सो औषधिहरु औषधि विभाग मार्फत आवश्यक ठाउ“मा पठाईने बताएको छ । विगतमा पनि मानव शरीरको ईम्यूनिटी डेभलप् गर्ने विभिन्न जडीबुटीहरु मिश्रित सो ओषधिहरु औषधि व्यवस्था विभागबाट प्रमाणित भएका र बिक्रिवितरणका लागि तयार पारिएका पनि छन् । मन्त्रालयका वरिष्ठ आयुर्वेद कन्सल्टेन्ट विज्ञ डाक्टर बाबुराजा आमात्यले संघले गरेको उक्त सहयोगको सराहना गर्नुभएको छ ।