काठमाडौं । नेकपा एमालेले पार्टी अध्यक्ष केपी शर्मा ओलीको पक्राउको विरोधमा देशव्यापी प्रदर्शनका कार्यक्रम घोषणा गरेको छ ।
मंगलबार बसेको पार्टीको केन्द्रीय सचिवालय बैठकले चैत २४ गतेदेखि विभिन्न तहका कमिटीमार्फत देशव्यापी प्रदर्शन आयोजना गर्ने निर्णय गरेको छ ।
एमाले महासचिव शंकर पोखरेलले जानकारी दिएअनुसार, चैत २४ गते सबै जिल्ला कमिटीले वृहत कार्यकर्ता भेला आयोजना गर्नेछन् । त्यसपछि पालिका, वडा, प्रदेश हुँदै राजधानी केन्द्रित प्रदर्शनका कार्यक्रम हुनेछन् ।
एमालेले जारी गरेको कार्यक्रमअनुसार:
- वैशाख ३ गते: वडा तहमा कार्यकर्ता भेला
- वैशाख ७ गते: प्रदेश राजधानीहरूमा प्रदर्शन
- वैशाख १२ गते: काठमाडौंमा केन्द्रीय विरोध प्रदर्शन तथा सभा
यो प्रदर्शन श्रृङ्खला ओलीको पक्राउलाई केन्द्रमा राखेर आयोजना गर्न लागिएको हो ।
प्रतिक्रिया दिनुहोस्