काठमाडौं, २९ जेठ । चिनियाँ राष्ट्रपति सी चिनफिङले देशमा रहेका जातीय अल्पसंख्यक समूहहरुलाई पछाडि पर्न नदिने प्रतिवद्धता व्यक्त व्यक्त गर्नुभएको छ ।
सीले देशकै गरिबमध्ये एक क्षेत्र निङसिया हुई स्वायत्त क्षेत्रको वुजोङमा पुगेर त्यहाँका अल्पसंख्यक हुई मुस्लिम समुदायलाई भेटेर सबैलाई सम्पन्न बनाउने आश्वासन दिनुभएको हो । मुस्लिम समुदायलाई सीले देशका सबै अल्पसंख्यक सरकारको ‘साझा समृद्धि’ कार्यक्रममको हिस्सा भएको बताउँदै चाँडै सबैको जीवनस्तरमा सुधार आउने विश्वास दिलाउनुभयो ।

बुुधबार सीको भ्रमणबारे चिनियाँ संचारमाध्यमले जानकारी दिएका थिए । सीले सो क्रममा गरिबी निवारण, स्वच्छ वातावरण निर्माणमा सरकार लागि परेको बताउनुभएको सिन्ह्वाले जनाएको छ । स्थानीय उइगर मुसलमान समुदायमाथि दमन गरिरहेको अमेरिकी आरोपबीच चीनले सबै अल्पसंख्यकलाई सम्पन्न बनाउने बताएको हो । बुधबार चीनले निङसियाका २ लाख मानिसलाई निर्माणको काम सिकाउने बताएको थियो । आगमी तीनवर्ष भित्र उनीहरु काममा पोख्त हुने सिन्ह्वाको भनाइ छ । यस कार्यक्रमबाट उइगर मुसलमान समुदायका मानिसले अत्यधिक लाभ लिनसक्ने जनाइएको छ। जनाताको समस्या बुझ्ने क्रममा सोमबार भने सी वुजोङ पग्नुभएको थियो ।