काठमाडौं, ४ फागुन । भारतको राजस्थानस्थित भिवाडीमा रहेको केमिकल कारखानामा आगलागी हुँदा ७ जनाको मृत्यु भएको छ । सोमबार बिहान भिवाडीको खुसखेडा औद्योगिक क्षेत्रमा रहेको एक रासायनिक कारखानामा अचानक आगलागी हुँदा सात जनाको मृत्यु भएको भारतीय सञ्चार माध्यमहरूले जनाएका छन् ।
आगलागीको कारण अझै स्पष्ट छैन, तर कारखानामा भण्डारण गरिएका खतरनाक रसायनहरूका कारण आगो द्रुत गतिमा फैलिएको पञ्जाब केसरीले जनाएको छ । आगलागीपछि कामदारको उद्धार भैरहेको र सात जनाको शव निकालिएको समाचारमा उल्लेख छ । केही कामदार अझै भित्रै फसेको आशंका गरिएको छ । घटनाको समयमा लगभग २५ जना कामदार काम गरिरहेका थिए ।अधिकारीहरूले दुर्घटनाको अनुसन्धान शुरू गरेका छन्, र कारखाना मालिक र जिम्मेवारहरूलाई बोलाइएको छ।
प्रतिक्रिया दिनुहोस्