काठमाडौ, १६ मंसिर /
सरकारले आगामी मंसीर २१ गते दोस्रो चरणमा हुने प्रदेश सभा र प्रतिनिधि सभा निर्वाचनमा ढुक्क भएर मतदान गर्न आम मतदातालाई अपिल गरेको छ ।
चार वटै सुरक्षा निकायका प्रमुखहरुले शुक्रबार अपरान्ह निर्वाचन आयोगका पदाधिकारीहरुस“गको सामूहिक भेटमा निर्वाचनका लागि सुरक्षा व्यवस्था सुदृढ रहेको जानकारी गराउ“दै ढुक्क भएर मतदानमा भाग लिन आम मतदातालाई अपिल गरेका हुन । सुरक्षा व्यवस्था सुदृढ भएकाले निर्धक्कस“ग मतदानमा भाग लिन आम मतदातालाई पुनः आह्वान गरिएको गृह मन्त्रालयका प्रवक्ता नारायणप्रसाद शर्मा दुवाडीले जानकारी दिनुभयो । बैठकमा सुरक्षा निकायका प्रमुखहरुले उम्मेदवारमाथि लक्षित गर्दै भइरहेका निर्वाचन विरोधी गतिविधिलाई दोहोरिन नदिने प्रतिवद्धता पनि जनाएका थिए ।
छलफलमा प्रमुख निर्वाचन आयुक्त डाक्टर अयोधिप्रसाद यादवले निर्वाचन विरोधी गतिविधि हुन नदिन सुरक्षा निकायका प्रमुखहरुको गम्भिर ध्यानाकर्षण गराउनु भएको थियो । यसैबीच, निर्वाचन आयोगले निर्वाचनको निष्पक्षतामा प्रतिकूल प्रभाव पार्नेगरी सामाजिक संजालमा राखिएका अडियो, भिडियो, फोटो तथा सहिदका तस्वीरलाई तत्काल हटाउने व्यवस्था गर्न, गराउन र अटेर गरे कडा कार्वाही गर्न पनि सम्बन्धित जिल्लाका जिल्ला प्रशासन कार्यालयलाई निर्देशन दिएको छ । निर्वाचन आयोगका प्रवक्ता नवराज ढकालले शुक्रबार काठमाडौंमा पत्रकार सम्मेलन गरी निर्वाचन आचारसंहिता विपरित हुनेगरी सामाजिक संजालहरुमा राखिएका सामग्रीहरु तत्काल हटाउन सम्बन्धित जिल्ला प्रशासन कार्यालयलाई सचेत गराउनु भएको हो ।
निर्वाचन आयोगले निर्वाचन विरोधि गतिविधि हुन नदिन पनि सम्वद्ध सबै पक्षको पुनः ध्यानाकर्षण गराएको छ ।