काठमाडौं, ६ चैत । चीनका चिकित्सा अधिकारीहले जापानमा इन्फ्ल्युइन्जा विरुद दिइएको एउटा औषधि कोरोनाका विरामीको उपचारमा प्रभावकारी भएको पाइएको छ ।

चीनको विज्ञान तथा प्रविधि मन्त्रालयका अधिकारी जियान सिनमिनले जापानको फुजी कम्पनीले विकास गरको फाभिपिराभिर नामक औषधि चीनको बुहान र सेन्जेन प्रान्तमा क्लिनिकल परीक्षणका रुपमा ३४० विरामीमा प्रयोग गरिएको र सो औषधि निकै प्रभावकारी भएको पाइएको थियो ।

यो औषधि कोरानाकोउपचारमा निकै सुरक्षित र प्रभावकारी पाइएको चिनियाँ अधिकारीलाई उद्धृत गर्दै दि गार्जियनले जनाएको छ । कोरोना भाइरस पोजेटिभ देखिएका विरामीलाई औषधि दिँदा चार दिनमा नै विरामीमा कोरोना नेगेटिभ देखिएको थियो । समान्यतया अन्य औषधि दिँदा ११ दिन लाग्ने गरेको जापानी टेलिभिजन संस्था एनएचकेले जनाएको छ ।

साथै सो फाभीपिराभिर नामका औषधि दिइएका विमामीको फोक्सोको अबस्थमा ९१ प्रतिशितले सुधार भएको र अन्य औषधि दिइएकमा ६२ प्रतिशत मात्र सुधार भएको जनाइएको छ । जापानी चिकित्सकहरूले कोरोनाको समान्य खालको लक्ष्यण भएका विारमीमा क्लिनिकल परीक्षण गर्दा यसबाट विरामीमा भाइरसको बृद्धिदरमा कमी आएको बताएका थिए । तर जापानी स्वास्थ्य मन्त्रालय स्रोतले भने गम्भीर संक्रमण भएका विरामीमा भने त्यति धेरै प्रभावकारी नभएको बताएका छन् ।

फाभिपिराभिर औषधी दिइएका बिरामीको फोक्सोको अवस्था ९१ प्रतिशत सुध्रिएको पाइएको छ, जबकी यो औषधी नदिइएको फोक्सो ६२ प्रतिशत मात्रै सुध्रिएको थियो ।

एभिगानको नामले समेत चिनिने उक्त औषधी विकास गर्ने फुजिफिल्म तोयोमा केमिकलले यस विषयमा टिप्पणी गर्न इन्कार गरेको छ । उक्त कम्पनीले सन् २०१४ मा यो औषधी विकास गरेको थियो ।

झाङको टिप्पणी बाहिर आएपछि बुधबार यो कम्पनीको सेयर मूल्य १५.७ प्रतिशतले बढेर ५२०७ येन पुगेको छ ।

जापानका डाक्टरहरुले पनि हल्कादेखि मध्यमखाले कोरोना भाइरसको लक्षण भएका बिरामीको क्लिनिकल अध्ययनका लागि यही औषधी प्रयोग गरेका छन् । यसको प्रयोगले भाइरसको गुणात्मक विस्तार रोक्ने उनीहरुको अपेक्षा छ ।

तर जापानी स्वास्थ्य मन्त्रालयको एउटा स्रोतले ज्यादै गम्भीर प्रकृतिका विरामीमा यो औषधी प्रभावकारी नभएको बतायो । ‘हामीले ७० देखि ८० जनालाई एभिगान दियौं, तर भाइरस पहिल्यै ब्यापक भइसकेका केसमा यसले काम गरे जस्तो लागेन,’ उक्त स्रोतले जापानी पत्रिका माइनिची सिम्बुनसँग भनेको छ ।

एचआइभीको एन्टिरेट्रोभाइरल लोपिनाभिर र रिटोनाभिर मिलाएर प्रयोग गरिएका बिरामीमा अध्ययनका क्रममा केही सीमितता पहिचान भएको पनि स्रोतले बताएको छ । सन् २०१६ मा जापान सरकारले गिनीमा इबोला संक्रमण फैलिएको बेला आपतकालीन सहायताको रुपमा फाभिपिराभिर नै पठाएको थियो ।

फाभिपिराभिर फ्लुको उपचारका लागि बनेको औषधी भएकाले कोभिड–१९ मा पूर्णस्तरमा यो प्रयोग गर्न सरकारी अनुमोदन आवश्यक पर्छ । एकजना स्वास्थ्य अधिकरीले यो औषधी मेको सुरुतिरै अनुमोदन हुन सक्ने बताएका छन् ।