काठमाडौं, १९ फागुन  । प्रधानमन्त्री केपी शर्मा ओलीले आफू थप उर्जा र आत्मविश्वास लिएर अस्पतालबाट फर्किने बताउनुभएको छ ।
अस्पताल जानुअघि प्रधानमन्त्रीले भिडियो सन्देश जारी गर्दै आफ्नो स्वास्थ्य अवस्थाबारे ढुक्क हुन सबैलाई अपिल गर्नुभएको हो । उहाले आफू मिर्गौला प्रत्यारोपण गरेर चाँडै स्वस्थ भएर नियमित काममा फर्कने विश्वास व्यक्त गर्नुभएको छ । प्रधानमन्त्री ओलीले आफू थप उर्जा र आत्मविश्वास लिएर अस्पतालबाट फर्किने बताउनुभयो ।

प्रधानममन्त्र िओलीले आफ्नै देशका अनुभवी चिकित्सकद्वारा गरिने मिर्गौला प्रत्यारोपणको सुविधा प्राप्त हुदा गर्व लागेको बताउनुभयो । उहाले विज्ञान, आधुनिक प्रविधि, ज्ञान र सीपले मिर्गौला प्रत्यारोपण अहिले, पहिलेजस्तो जटिल मानिँदैन। यसपटकको मृगौला प्रत्यारोपण त्यसैले पनि तुलनात्मक रूपमा सजिलो हुने विश्वास लिएको पनि बताउनुभयो । उहाले आजभन्दा झण्डै १२ वर्ष अघि दुबै मिर्गौलाले काम गर्न छोडेपछि २०६४ साउनमा पहिलो पटक मिर्गौला प्रत्यारोपण गराएको अनुभव सुनाउदै त्यतिबेला नेपालमा मिर्गौला प्रत्यारोपणको सुविधा नभएको स्मरण गर्नुभयो । आगामी फागुन २१ गते बुधबार फेरि मिर्गौला प्रत्यारोपण गराउने उहाले जानकारी दिनुभयो ।