काठमाडौं, ९ मंसिर । मङ्सिर १० गते हुने प्रदेशसभा र प्रतिनिधिसधाको लागि सबै तयारी पूरा भएको निर्वाचन आयोगले जनाएको छ । ३२ जिल्लाामा हुने निर्वाचनका लागि राष्ट्रिय निर्वाचन पर्यवेक्षक समिति तथा न्याय, शान्ति र लोकतन्त्रका लागि समावेशि महिला सञ्जालको संयोजनमा स्वतन्त्र पर्यवेक्षकहरु परिचालन गरिने भएको छ । निर्वाचन आयोगबाट ५२ वटा विभिन्न संस्थाहरुलाई अनुमति दिएको जानकारी दिएको छ । प्रदेशसभा र प्रतिनिधिसभाका लागि ४५ हजार ५ सय जना पर्यवेक्षक परिचालन गरिएको आयोगले जनाएको छ ।
प्रदेश र प्रतिनिधिसभाको निर्वाचनमा आचारंसहिताको पालना गर्नुपर्ने, प्रचार प्रसारको खर्चको सीमा, निर्वाचनमा हिंसा, मतदात शिक्षा, निर्वाचन आयोगका स्वतन्त्र, लैङिक एवं समावेशिताको सवाललाई पर्यवेक्षकहरुले निर्वाचनका दिनमा ख्याल गर्नुपर्ने राष्ट्रिय पर्यवेक्षक निर्वाचन समितिका महासचिव डा. गोपालकृष्ण शिवाकोटीले बताउनुभयो । शिवाकोटीले पर्यवेक्षक भएर मतदानस्थलमा गएपछि आफ्नो जिम्मेवारी इमान्दार ढङगले बहन गरी दिनु पनि पर्यवेक्षकहरुलाई आग्रह गर्नुभएको छ । कतिपय मतदानस्थल र केन्द्रहरुमा लैंगिकमैत्री नभएका कारण समस्या हुने गरेको पाइएको छ । अपाङगमैत्री नहुनु जेष्ठ नागरीक, गर्भवती, सुत्केरी र विरामी मतदाताहरुलाई सहज बनाउन मंङ्सिर १० मा हुने प्रदेश र प्रतिनिधिसभाको चुनावलाई महिला पर्यवेक्षकहरु १ सय ६० जना खटाएको शान्ति लोकतन्त्र महिला सञ्जालकी महासचिव शोभा बस्नेतले जानकारी दिनुभयो । निर्वाचनमा खटिएका पर्यवेक्षकले चुनावी अभियानलाई स्वतन्त्र, निष्पक्ष र धाधलीरहित निर्वाचनमा सहयोग गर्नुपर्ने सहभागीहरुले बताएका छन् ।