काठमाडौं, १० पुस । बजारमा तरकारी मुल्य चुलिदो छ । माग र आपूर्तिबीच सन्तुलन छैन । आन्तरिक उत्पादनले बजार माग धान्न मुश्किल छ । मुलतः कृषि क्षेत्रमा उत्पादकत्व कमि मात्रै होइन, कृषिप्रति आकर्षण कमजोर छ । भएको उत्पादनको पनि उचित मूल्य पाउन सकेका छैनन् किसानले । तर, विचौलियाको मनलाग्दी छ । विचौलियाको मनलाग्दी रोक्न सरकारले सकेको छैन । मूल्य श्रृंखला अत्यन्तै असंगति छ । उत्पादन र बजारको सहजीकरण राज्यले गर्न नसक्दा कृषकले मूल्य पाएका छैनन् । उपभोक्ता चर्काे मूल्य तिर्न बाध्य छन् ।

किसानको बजार पहुचको अभावमा विचौलियाले खेल्ने अवसर मिलेको छ । विचौलीयाहरुले बढी नाफा लिइरहेका छन् । किसान मूल्य पाउन सकेका छैनन् । बजारमा कृषकको मुल्य निर्धारणमा पहुच नहुनु र उपभोक्ताले सही मूल्य नपाएको सरकारी अधिकारीहरु स्विकार्छन् ।चालु आर्थिक वर्षमा विगतको यही अवधिको तुलनामा तरकारीको मूल्य आकाशिएको छ । मल बीउ सिचाई कृषि श्रमिक उचित मूल्यको बजारको अभावमा उत्पादन गिर्दाे छ । आन्तरिक उत्पादन नै कमि भएकोले किसानबाटै तराकारी आउदा यो समस्या आएको व्यापारहिरुको आफ्नै तर्क छ ।

न्यूनतम आधारभुत विषयमा सरकारले अनुगमन गर्न नसक्नुको साथै कृषि क्षेत्रमा सरकारी लगानीले प्रतिफल दिन नसक्दा तरकारीको मूल्य पनि छोइ नसक्नु भएको छ । एकातिर खेत बाझिदै जाने युवा खाडी पुग्ने र सरकराी लगानी बालुवामा पानी हालेसरी बन्दा नेपालको कृषि उपजको आम उपभोक्ताले सुहाउदो मूल्यमा पाउन समेत कठिन बन्दै गएको छ । यसर्थ कृषि मन्त्रालयदेखि आपूर्ति मन्त्रालयसंग जोडिएका जिम्मेवार निकायहरुले उत्पादन र अनुगमनलाई कडाइका साथ अघि बढाउन सकेमा मात्रै बजारमा भइरहैको विचौलियाको मनलाग्दी अन्त गर्न सकिन्छ ।