बाँके,१० मंसिर । यहि मंसिर १४ गते बाँकेको कोहलपुर नगरपालिका वडा नम्बर ६ मा उपनिर्वाचन हुन गइरहेको छ । उपनिर्वाचनको मिति नजिकिदै गर्दा निर्वाचनको तयारी समेत तिव्र रुपमा अगाडि बढाइएको छ । जिल्ला निर्वाचन कार्यालय बाँके र मुख्य निर्वाचन अधिकृतको कार्यालयले निर्वाचनका लागि आवश्यक कामहरु अन्तिम चरणमा पुगेको जनाएको छ ।

उपनिर्वाचनको मिति नजिकिदै जादा निर्वाचन कार्यालयले आफ्नो तयारी समेत तिव्र पारेको छ । कोहलपुर ६ मा वडा अध्यक्ष पदका लागि उपनिर्वाचन हुदैछ । राजनितिक दलहरुले आफ्नो प्रचार प्रसारलाई अन्तिम चरणमा पु¥याइरहेको अवस्थामा निर्वाचन कार्यालयले समेत आफ्नो तयारी तिव्र पारेको हो । अहिले कार्यालयले कर्मचारी खटाउने र नया“ कर्मचारी छनौटको काम अगाडि बढाएको छ । मतदान स्थलमा खटिने कर्मचारीहरुको टुङ्गो भने केही दिनमा लाग्नेछ । जिल्ला निर्वाचन कार्यालय बा“केका प्रमुख निर्वाचन अधिकारी खुम प्रसाद सुबेदीले उपनिर्वाचनको तयारी अन्तिम चरणमा पुगेको जानकारी दिए ।

कार्यालयले मतपेटिका, मतपत्र लगायतका निर्वाचन साम्रगीहरु सबै तयारी हालतमा राखेको जनाएको छ । उपनिर्वाचनलाई लक्षित गरेर कोहलपुरमा नै मुख्य निर्वाचन अधिकृतको कार्यालय सञ्चालनमा ल्याइसकिएको छ । गत मंसिर पा“च गतेदेखि निर्वाचन कार्यालयले वडा नम्बर ६ मा मतदाता शिक्षा समेत दिइरहेको छ । मतदाता शिक्षाको रुपमा वडाका मतदाताहरुलाई मत हाल्ने तरिका सिकाइएको छ । मत बदर घटाउनको लागि मतदातालाई शिक्षा दिन सुरु गरिएको प्रमुख निर्वाचन अधिकारी सुबेदीले बताए । उनका अनुसार कोहलपुर ५ मा रहेको सिद्धार्थ आधारभुत विद्यालयमा मतदान केन्द्र तोकिएको छ, भने मतगणना पिपिरीमा रहेको कृषि तालिम केन्द्रमा
हुनेछ ।

उपनिर्वाचनको क्रममा कुनै घटना हुन नदिनका लागि कार्यालयले सुरक्षा निकायहरुसग समेत समन्वय गरिरहेको छ । कोहलपुर ६ को वडा अध्यक्ष पदका लागि विभिन्न राजनितिक दलका पाच जना उम्मेदवारहरु चुनावी मैदानमा रहेका छन् । उपनिर्वाचनलाई शान्तिपुर्ण रुपमा सम्पन्न गराउनको लागि सबैले आफ्नो ठाउबाट सहयोग पु¥याउन जरुरी छ ।