काठमाडौं, ८ भदौ । करिब चार वर्ष अघिदेखि सडक विस्तारको काम सुरु भएको चावहिल–जोरपाटी–साखु सडक खण्ड बेहाल छ । निर्माण कम्पनीको ढिला सुस्ती, स्थानीयको अवरोध, मुआब्जा विवादले सडक आयोजना अधुरो भएको हो ।

निर्माण कम्पनीको चरम लापरवाही सरकारको बेवास्ताका कारण चावहिल जोरपाटी सा“खु सडक खण्ड अधुरो छ । चावहिलदेखि जोरपार्टी १२ किलोमिटर सडक बन्न वर्षाै लागेको हो । आयोजनामा भएका ढिलासुस्तीले वर्षातमा हिलाम्मे र हिउदमा धुलाम्मेको सकस स्थानियबासीले खेप्नु परेको छ ।

चावहिल–जोरपाटी–सा“खु सडकले देखाउछ काठमाडौमै सडकको अवस्था कस्तो छ भनेर । राजधानीको केन्द्रमै रहेको यस सडकखण्ड पानी परेपछि हुने हिलो, घाम लागेपछि धुलोको कारण वर्षाैदेखि स्थनीयले समस्या भोग्न परेको छ । चावहिल–जोरपाटी–साखु बनाइदेउ भन्दै राज्यसंग गुहार माग्दा समेत कसैले उनीकहरुको गुनासोका चासो लिने गरेका छैनन । स्थानीयले अधुरो आयोजनाको विषयलाई संसदसम्म पनि नपुराएको होइनन् । संसदमा पुगेपछि बेला बेलामा सडकको अनुगमन पनि हुदै आएको छ ।

सडक आयोजनाको प्रगति उन्नाइसबाट २० अझै हुन सकेन । राजधानीको सडक भएर पनि हिंड्न समेत सास्ती खोप्नु परेको गुनासोपछि प्रतिनिधिसभा अन्र्तगतको विकास तथा प्रविधि समितिले चावहिल, जोरपाटी , सांखु सडक खण्डको स्थलगत अनुगमन गरेको हो । सडक अनुगमन पछि सभापति कल्याणी खड्काले जिम्मेवारी भित्रको काम समयमै सम्पन्न गर्न ठेकेदार कम्पनीहरुलाई निर्देशन दिएको बताईन् ।

गत वैशाख २६ गते स्थानीयले सडक तत्काल कालोपत्रे गर्नुपर्न माग राख्दै सडकमा आन्दोलन गरे । आन्दोदलनपछि १५ दिनभित्र सडक कालोपत्रे गरिसक्ने सहमति भयो । तर सहमति भएको ३ महिना बितिसक्दा पनि सडकको हालत उस्तै छ । जनप्रतिनिधिले निर्माण कम्पनीले काम गर्न अटेरी गरेको बताएका छन् । सडक अनुगमन गर्न समिति जाने सूचना पाएपछि सडकका खाल्डा पुरेर झारा टार्ने गरिएको जनप्रतिनिधिहरु बताउछन् ।

सडकको दूरावस्थाको कारण पटक पटक स्थानीय सडकमै उत्रिदा समेत निमार्ण कम्पनीले अटेरी गर्दै आएको छ । तर निर्माण कम्पनीका प्रतिनिधिले भने स्थानीय जनप्रतिनिधिले बाटो बिस्तारमा असहयोगकै कारण काम गर्न असहज भएको दाबी गर्छन । आफै काम नगर्ने तर जनप्रतिनिधिलाई दोष लगाएर पन्छिन खोज्छन् निर्माण कम्पनीका प्रतिनिधिहरु ।

उपत्यका सडक विस्तार आयोजनाले २०७२ असोजबाट सुरु गरेको उक्त १२ किलोमिटर सडक आयोजना ४ वर्ष बितिसक्दा पनि अझै सम्पन्न हुन सकेको छैन । आयोजनाको सडक बिस्तारको लागि मुआव्जा बिवादकै कारण काम गर्ने समस्या परेको गुनासो छ जिम्मेवारहरुको ।

२ वर्षमा सम्पन्न गर्ने गरी १ अर्ब ७० करोडमा ठेक्का सम्झौता भएपनि सडक विस्तारको प्रगति हेर्दा उदेक लाग्दो छ । विगतमा मन्त्री, नेताले समेत अनुगमन गरिसकेकाले चावहिल–जोरपाटी–साखु सडक छिटो सम्पन्न गर्नुको कुनै विकल्प छैन । एकले अर्काेलाई दोष थोपर्नु भन्दा समस्याको पहिचान गरि आयोजना अबिलम्ब पुरा गर्नुको विकल्प छैन ।