भद्रपुर, १६ असार । स्थानीय तह दोस्रोचरणको निर्वाचनका मतपरिणाम प्राप्त गर्न झापा जिल्लामा सञ्चारकर्मीलाई समस्या भएको छ ।

निर्वाचनको परिणाम थाहा पाउन खोज्ने आमनागरिकको चाहना रहे पनि निर्वाचन अधिकृतले मतगणनास्थलको प्रभावकारी व्यवस्थापन गर्न नसक्दा नै मतपरिणाम गणनास्थलबाट बाहिर आउन समस्या भएको हो ।

भद्रपुर नगरपालिकाको मतगणनास्थल जिल्ला समन्वय समिति कार्यालयको मूल ढोकामै सुरक्षाकर्मीले सञ्चारकर्मीलाईभित्र रोके पछि मतपरिणाम अध्यावाधिक हुन सकिरहेको छैन ।

यसैगरी, मेचीनगर नगरपालिकाको मतगणनास्थलमा बिहीबार बेलुकादेखि सञ्चारकर्मीलाई भित्र प्रवेश गर्न रोक नदिएपछि समस्या भएको छ भने मतगणनास्थल बाहिर भेला भएका आमनागरिक निराश छन् ।

झापाका मुख्य निर्वाचन अधिकृत जिल्ला अदालत झापाका न्यायाधीश सुदर्शन पाण्डेले पनि सञ्चारकर्मीको माग र बाध्यतालाई बुझ्ने प्रयास नगरिदिँदा समस्या भएको हो ।