काठमाडौं, २४ भदौं । राष्ट्रिय जनता पार्टीले माओवदीलाई संघीयता विरोधी कित्तामा राखेकोमा माफी मागेको छ । राजपा अध्यक्ष मण्डलका सदस्य शरत्सिंह भण्डारीले असावधानीबस माओवादीका बारेमा अन्यथा पर्न गएको भन्दै सार्वजनिक रुपले नै माफी मागेका छन् ।

केही दिन अगाडी राष्ट्रिय जनता पार्टीले तेस्रो चरणको स्थानीय तह निर्वाचनका लागि घोषणापत्र सार्वजनिक गरेको थियो । जारी घोषणा पत्रमा कांग्रेसलाई मधेश मैत्री नभएको आरोप लगाइएको छ भने एमालेलाई मधेशी र संघीयताको प्रखर विरोधीका रुपमा चित्रण गरिएको छ । अधिनायक र सर्वसत्तावादमा विश्वास राख्ने माओवादी केन्द्रको मुल चरित्र संघीयता विरोधी रहेको राजपाको घोषणापत्रमा उल्लेख छ । राजपाका अध्यक्ष मण्डल सदस्य शरदसिंह भण्डारीले माओवादीलाई संघीयता विरोधी कित्तामा राख्नु गल्ती भएको भन्दै माफी मागेका हुन ।
भण्डारीले मधेशको स्थानीय चुनावमा आफ्नो दल पहिलो हुने दावी गरे । भण्डारीका अनुसार राजपाको प्रतिस्पर्धा कांग्रेससंग हुने छ भने तेस्रो दल माओवादी बन्ने तर्क समेत गरेका छन् । भण्डारीले अघिल्ला दुई चरणको निर्वाचनमा पहिलो बनेको एमाले मधेशमा बढारिने भण्डारीको तर्क छ । जब कि एमालेले मधेशमा पनि एमाले नै पहिलो बन्ने दावी गर्दै आएको छ ।
भिडियो वार्ता ।