काठमाडौं,२१ साउन । नवनियुक्त भूमि व्यवस्था, सहकारी तथा गरिबी निवारणमन्त्री पद्मा कुमारी अर्यालले भूमि व्यवस्थापनसम्बन्धीका समस्याहरु पहिचान गरि ऐन

बनाउने र सोही ऐनले मार्गनिर्देश गरेबमोजिम सकुम्वासी समस्या, सार्वजनिक जग्गा अतिक्रमणको समस्या हल गर्ने बताउनुभएको छ ।

सोमबार रिपोटर्स क्लब नेपालले काठमाडौमा आयोजना गरेको साक्षात्कारमा उहाले भूमि व्यवस्थासम्बन्धी व्यापक समस्या रहेको भन्दै अब भूमि व्यवस्थापनसम्बन्धी समस्याहरु पहिचान गर्ने र सबै समस्याहरुलाई नयाँ ऐन बनाएर हल गर्ने बताउनुभएको हो ।

सहकारीका माध्यमबाट गाउँदेखि शहरसम्मका जनताको जीवनस्तर उकासिएको भन्दै उहाले अब सहकारीलाई उत्पादनमूलक क्षेत्रमा लगानी गर्दै हरेक युवायुवतीहरुलाई व्यवसायी गर्ने वातावरण बनाउनुपर्नेमा जोड दिनुभयो ।

मन्त्री अर्यालले सरकारले जनतालाई नोक्सानी नै पुर्याउनेगरि सरकारले गलत काम नगरेको दाबी गर्नुभयो ।