काठमाडौं,१८ साउन । महान्यायाधीवक्ता अग्नि प्रसाद खरेलले अनुसन्धानलाई प्रभावकारी र बलियो बनाउन सरकारी वकिलहरुलाई निर्देशन दिनुभएको छ ।

राजधानीमा शुक्रबार आयोजित सरकारी वकिलहरुको राष्ट्रिय कार्यशालालाई सम्बोधन गर्दे महान्यायाधिवक्ता खरेलले अधिकृत संगको सम्बन्ध मजबुत बनाउनुपर्नेमा जोड दिनुभयो ।

अनुसन्धान कमजोर भयो भने अभियोजन पनि कमजोर हुने भएकाले अनुसन्धानलाई प्रभावकारी बनाउनुपर्नेमा उहाँले जोड दिनुभयो । अभियोजन प्रभावकारी र परिणाममुखी बनाउनका लागि अनुसन्धान अधिकृत संगको सम्बन्ध मजबुत बनाउनुपर्ने विषयलाई सधै प्राथमिकतामा राख्न पनि उहाँले सुझाउनुभयो ।

नया ऐन कार्यान्वयनका लागि अदालत, न्यायालय, प्रहरी तथा सम्बन्धीत सबै निकायले आवश्यक सबै तयारी गरिरहेको उल्लेख गर्दे उहाँले सम्बन्धित निकायबीच समन्वयकारी भुमिका निर्वाहमा उचित ध्यान दिन सरकारी वकिलहरुलाई निर्देशन दिनुभयो ।

महान्यायाधिवक्ताको कार्यालयको सिमा भित्र रहेर नया कानुन बारे जानकारी मुलुक कार्याक्रम संचालन गरिने पनि जानकारी दिनुभयो । उहाँले नया र पुराना प्रावधानका बारेमा तुलनात्मक अध्ययन तथा विश्लेषण गर्दे नया ऐनबारे सरकारी वकिलहरुको एउटै अवधारणा तयार पार्नुपर्ने भएकाले महान्यायाधिवक्ताको कार्यालयले कार्यशाला गरेको बताउनुभयो ।

महान्यायाधिवक्ता खरेलले विगतका कतिपय अभ्यासले नया ऐन कार्यान्वयनका चरणमा साथ नदिने भएकाले आउन सक्ने समस्या समाधानका लागि महान्यायाधिवक्ताको कार्यालयमा सम्पर्क व्यक्ति सहितको भिन्न डेक्स स्थापना गरिने र त्यसले समस्याका बारेमा छलफल गरि निक्र्योलमा पुग्न सहयोग पुर्याउने विश्वास व्यक्त गर्नुभयो ।

महान्यायाधिवक्ताको कार्यालयले शुक्रबार सरकारी वकीलहरुका लागि मुलुकी अपराध (संहिता) ऐन २०७४, मुलुकी फौजदारी कार्यविधि (संहिता) ऐन, २०७४ र फौजदारी कसूर (सजाय निर्धारण तथा कार्यान्यन) ऐन २०७४ का बारेमा कार्यशाला आयोजना गरेको हो ।

भदौ १ गते देखि लागु हुन गईरहेका नया कानुनमा रहेका विषयगत भिन्नताका बारेमा जानकारी दिने उद्देश्यले यो कार्याशाला गरिएको हो ।