ओखलढुंगा, २३ जेठ । ओखलढुंगामा प्रहरीले खुकुरी प्रहारबाट एक महिला गम्भिर घाइते भएकी छन् ।
मोरङ्ग कानेपोखरी प्रहरी चौकीमा कार्यरत ३४ वर्षका प्रहरी हवल्दार अमरसिं राईको खुकुरी प्रहारबाट मानेभन्ज्याङ्ग गाउँपालिका– ३, उँबुकी २३ वर्षीया शर्मिला राई गम्भीर घाइते भएकी हुन् । उनको सामुदायिक अस्पताल ओखलढुंगामा उपचार भइरहेको छ ।
शर्मिलाको टाउकोमा तीन ठाउँ र दुवै हातको नाडी र औँलामा गहिरो चोट लागेको छ ।
घर बिदामा आएको समयमा अमरले सालाकी श्रीमती शर्मिलालाई खुकुरी प्रहार गरेको प्रत्यक्षदर्शीले बताएका छन् । राईले बुधबार बिहान शर्मिलालाई खुकुरी प्रहार गरी ज्यान लिने प्रयास गरेका थिए ।
घटनाबारे प्रहरीले राईलाई पक्राउ गरेर अनुसन्धान सुरु गरेको जिल्ला प्रहरी कार्यालय ओखलढुंगाका प्रहरी निरीक्षक निरञ्जन भट्टराईले जानकारी दिए ।
प्रतिक्रिया दिनुहोस्