काठमाडौ १२ जेठ । गृहमन्त्री रमेश लेखकमाथि कारबाही गर्नुपर्ने र गर्न नहुने विषयमा नेपाली कांग्रेसका नेताहरू विभाजित छन्। सोमबार पार्टी सभापति शेरबहादुर देउवाको निवास बूढानीलकण्ठमा बसेको पदाधिकारी तथा पूर्वपदाधिकारी बैठकले लेखकले राजीनामा दिनुनपर्ने निष्कर्षसमेत निकालिसकेको छ।

यद्यपि अध्यागमनमा सेटिङमार्फत नेपालीलाई विदेश पठाउने गरेको विषयमा मुछिएका लेखकले पदबाट राजीनामा दिनुपर्ने विषय उठाउनेलाई भने स्पष्टीकरण सोध्नुपर्ने माग बैठकमा उठेको थियो।

पूर्वमहामन्त्री डा।शशांक कोइरालाले यस विषयमा अभिव्यक्ति दिने डा।शेखर कोइराला, राजेन्द्र बजगाईं र सुनील शर्मालाई स्पष्टीकरण सोध्न सभापति शेरबहादुर देउवालाई प्रस्ताव गरिएको बताए।

नेताहरूलाई बोलाउनुस्, समाधान निकाल्नुस् र उहाँहरूलाई केके कुरा भएको हो सोध्नुस्, बैठकमा सभापतिलाई गरेको प्रस्तावबारे उनले भने, शेखर, सुनील शर्मा र राजेन्द्रलाई स्पष्टीकरण सोध्नुस् भनेर प्रस्ताव गरियो। सभापति सभापति शेरबहादुर देउवा० ले केही भन्नुभएन। हेर्छु मात्रै भन्नुभयो। मलाई लाग्छ, यो गर्नैपर्छ। उपाय छैन।

गृहमन्त्री लेखकले राजीनामा दिनु नपर्ने कांग्रेस पदाधिकारी बैठकको निष्कर्ष

शेखर अहिले काठमाडौँ बाहिर छन्। उनी काठमाडौँ फर्किएलगत्तै सभापति देउवाले उनलाई स्पष्टीकरण सोध्ने प्रमुख सचेतक श्यामकुमार घिमिरेले जानकारी दिए।

शेखर कोइराला अहिले काठमाडौँ बाहिर हुनुहुन्छ उहाँ १५ गते काठमाडौँ फर्किने भन्ने छ, उनले भने, उहाँ फर्किएपछि सभापतिले बूढानीलकण्ठ बोलाएर कुरा गर्ने स्पष्टीकरण सोध्ने भन्नेछ।

उनका अनुसार प्रतिपक्षीले भन्दा पहिले नै राजीनामा किन मागेको भन्ने विषयमा शेखरलाई स्पष्टीकरण सोध्न लागिएको हो। अपोजिसन पार्टीले कुरा उठाउनुअघि नै उहाँ९शेखर०ले सार्वजनिक रुपमै गृहमन्त्रीले राजीनामा दिएर मार्ग प्रशस्त गर्नुपर्छ भन्नुभयो, उनले आजको बैठकमा उठेको विषयमा भने, जिम्मेवार नेताले पार्टीमा सरसल्लाह नगरी, छलफल नै नगरी यसरी अभिव्यक्ति दिन मिल्दैन भन्ने कुरा भयो।

शेखर पार्टीको १५औं महाधिवेशनमा सभापति पदमा उम्मेदवार हुने घोषणा गरेर देश दौडाहमा छन्। अहिले उनी पाँचथर पुगेको उनका सहयोगी दिनेश थपलियाले जानकारी दिए। थपलियाले स्पष्टीकरणको विषयमा केही जानकारी नआएको बताए।

कांग्रेस सांसद बजगाईंले संसदीय दलका नेतासमेत रहेका देउवालाई पत्र लेखेरै गृहमन्त्री लेखक र पर्यटनमन्त्री बद्री पाण्डेलाई जिम्मेवारी मुक्त गरेर अघि बढ्नुपर्ने प्रस्ताव गरेका थिए।

अर्का सांसद सुनिल शर्माले पनि गृहमन्त्री लेखकले पदबाट राजीनामा दिएर अध्यागमनमा भएको सेटिङको छानबिनमा सहयोग गर्नुपर्ने अभिव्यक्ति दिएका थिए।