डब्लिन सिटी युनिभर्सिटीको एन्टी–बुलिङ सेन्टरको नयाँ अध्ययनले देखाए अनुसार सोशल मिडिया प्लेटफर्महरूले प्रयोग गर्ने सिफारिस एल्गोरिदमहरूले महिलाविरोधी र पुरुष श्रेष्ठतावादी सामग्रीलाई तीव्र रूपमा बढाइरहेका छन्।
प्राध्यापक डेबी गिङ, डा. क्याथरिन बेकर र डा. माजा एन्ड्रियासेनले गरेको यो अध्ययनले १० वटा प्रयोगात्मक वा “सकपपेट“ खाताहरूलाई १० वटा खाली स्मार्टफोनहरूमा — पाँचवटा युट्युब शट्र्समा र पाँचवटा टिकटकमा — सिफारिस गरिएको सामग्रीलाई ट्र्याक, रेकर्ड र कोड ग¥यो। अनुसन्धानकर्ताहरूले पत्ता लगाए कि पुरुष पहिचान भएका सबै खाताहरूलाई सामान्य वा पुरुष श्रेष्ठतासँग सम्बन्धित सामग्री खोजे पनि मस्कुलिनिस्ट, महिलाविरोधी र अन्य चरम सामग्री प्रदान गरियो, र यी सबैले प्रयोगको पहिलो २३ मिनेटभित्रै यस्ता(घातक)सामग्री प्राप्त गरे।

एकपटक खातामा यस्तो सामग्री हेरेर चासो देखाएपछि, त्यसको मात्रा तीव्र रूपमा बढ्यो। प्रयोगको अन्तिम चरणमा (४०० भिडियो वा दुई–तीन घण्टा हेरेपछि), फोनहरूलाई सिफारिस गरिएको अधिकांश सामग्री विषाक्त थियो (टिकटकमा ७६% र युट्युब शट्र्समा ७८%), जुन मुख्य रूपमा म्यानोस्फेयर (अल्फा पुरुष र महिलाविरोधी) श्रेणीमा पथ्र्यो। यस्ता सामग्रीले समानताको विरोध गर्छ र महिलाहरूको अधीनतालाई प्रोत्साहन गर्छ। पुरुष प्रेरणा, पैसा कमाउने र मानसिक स्वास्थ्यमा समर्पित ठूलो मात्रामा सामग्री पनि थियो। यी सामग्रीले केटाहरूको आर्थिक र भावनात्मक असुरक्षालाई रणनीतिक रूपमा प्रयोग गर्छ र मानसिक स्वास्थ्यको सन्दर्भमा विशेष रूपमा खतरनाक छ, किनभने यसले प्रायः डिप्रेसनलाई कमजोरीको संकेत र थेरापीलाई अप्रभावी दाबी गर्छ। अन्य विषाक्त श्रेणीहरूमा प्रतिक्रियावादी दक्षिणपन्थी र षड्यन्त्र सिद्धान्त थिए, जो टिकटकमा सिफारिस गरिएको सामग्रीको १३.६% र युट्युब शट्र्समा ५.२% थिए । यसमध्ये धेरैजसो ट्रान्सजन्डर–विरोधी सामग्री थियो।

मुख्य निष्कर्षहरू
–डेटासेटमा सिफारिस गरिएका अधिकांश भिडियोहरूमा ‘म्यानफ्लुएन्सर’ (पुरुष प्रभावशाली व्यक्तिहरू) को सामग्री थियो, जसले वर्तमान म्यानोस्फेयर पारिस्थितिकीमा उनीहरूको केन्द्रीय भूमिकालाई उजागर गर्दछ ।
–समग्रमा, युट्युब शर्ट्स खाताहरूलाई टिकटक खाताहरू (३४.७५) भन्दा बढी विषाक्त सामग्री (औसतमा कुल सिफारिस सामग्रीको ६१.५५) सिफारिस गरको भेटियो।
– युट्युब शर्ट्सको हकमा, म्यानोस्फेयर–जिज्ञासु खाताहरूलाई लैङ्गिक–मानक (सामान्य) खाताहरू (५१.६)० भन्दा उल्लेखनीय रूपमा बढी विषाक्त सामग्री (७१.४५) सिफारिस गर्छ ।
–टिकटक खाताहरूको लागि, म्यानोस्फेयर–जिज्ञासु खाताहरू (३२.५५) र लैङ्गिक–मानक (सामान्य) खाताहरू (३६.६५) दुवैलाई अपेक्षाकृत समान स्तरको विषाक्त सामग्री सिफारिस गर्छछ ।
–म्यानोस्फेयर सामग्री खोज्ने र लैङ्गिक–मानक पुरुष–चासोको सामग्री खोज्ने सबै खाताहरूलाई प्रयोगको पहिलो २३ मिनेटभित्र विषाक्त सामग्री र २६ मिनेटभित्र म्यानोस्फेयर सामग्री प्रदान गर्यो ।
– टिकटकमा, लैङ्गिक–मानक (सामान्य) १६ वर्ष र १८ वर्षका खाताहरूलाई क्रमशः ९ मिनेट र १५ मिनेटभन्दा कम समयमा म्यानोस्फेयर सामग्री सिफारिस गरियो। म्यानोस्फेयर–जिज्ञासु खाताहरूमा यो क्रमशः १० मिनेट र २५ मिनेटको अवलोकनपछि यस्तो भयो।
– युट्युब शर्ट्समा, लैङ्गिक–मानक (सामान्य) १६ वर्ष र १८ वर्षका खाताहरूलाई क्रमशः १७ मिनेट र २ मिनेटको अवलोकनपछि म्यानोस्फेयर सामग्री सिफारिस गर्यो । म्यानोस्फेयर–जिज्ञासु खाताहरूमा यो क्रमशः ८ मिनेट र २ मिनेटभन्दा कम समयमा देखिन थाल्यो ।
–एकपटक खाताले म्यानोस्फेयर सामग्री हेरेर चासो देखाएपछि, त्यसको मात्रा तीव्र रूपमा बढ्यो। प्रयोगको अन्तिम चरणमा (४०० भिडियो वा २–३ घण्टा अवलोकनपछि), फोनहरूलाई सिफारिस गरिएको अधिकांश सामग्री समस्याग्रस्त वा विषाक्त थियो (टिकटकमा ७६ प्रतिशत र युट्युब शर्ट्समा ७८प्रतिशत), जुन मुख्य रूपमा म्यानोस्फेयर (अल्फा पुरुष र महिलाविरोधी) श्रेणीमा पर्थ्यो।
–धेरै फोनहरुलाई प्रतिक्रियावादी दक्षिणपन्थी र षड्यन्त्र सामग्री पनि देखाइयो (टिकटकमा सिफारिस सामग्रीको १३.६प्रतिशत) र युट्युब शर्ट्समा ५.२प्रतिशत)। यसमध्ये धेरैजसो ट्रान्सजन्डर–विरोधी सामग्री थिए।

समग्रमा, युट्युब शट्र्स खाताहरूलाई टिकटक खाताहरू (३४.७%) भन्दा बढी विषाक्त सामग्री (औसतमा कुल सिफारिस सामग्रीको ६१.५%) सिफारिस ग¥यो । “म्यानफ्लुएन्सर“ (पुरुष प्रभावशाली व्यक्तिहरू) ले डेटासेटमा सिफारिस गरिएका अधिकांश भिडियोहरूले ओगटे, जसले वर्तमान म्यानोस्फेयर पारिस्थितिकीमा उनीहरूको केन्द्रीय भूमिकालाई उजागर गर्दछ । यसमध्ये सबैभन्दा प्रचलित एन्ड्रयु टेट थिए, जो युट्युब शट्र्स खाताहरूमा ५८२ पटक र टिकटक खाताहरूमा ९३ पटक देखिए।
प्राध्यापक गिङका अनुसार, “हाम्रो अध्ययनले देखाउँछ कि प्रभावशाली व्यक्तिहरूका खाताहरू बन्द गर्नाले उनीहरूको सामग्री हट्दैन। एन्ड्रयु टेटको सामग्री हाम्रो डेटासेटमा जबरदस्त रूपमा उपस्थित छ, जब उनी प्लेटफर्मबाट हटाइएका थिए, यसको मतलब सोशल मिडिया कम्पनीहरूले हानिकारक सामग्रीसँग परिष्कृत तरिकाले लड्नुपर्छ।“
प्रतिवेदनका निष्कर्षहरूले अभिभावक, शिक्षक, नीति निर्माता र समग्र समाजका लागि तत्काल र चिन्ताजनक मुद्दाहरूलाई औंल्याएका छन् । उनीहरूका सिफारिसहरू अनुसार राम्रो सामग्री मोडरेसन, सिफारिस एल्गोरिदमलाई डिफल्ट रूपमा बन्द गर्ने र अवैध, हानिकारक र सीमान्त सामग्रीलाई हाइलाइट गर्न विश्वसनीय फ्ल्यागरहरूसँग सहकार्य गर्ने कुरा आवश्यक छ । उनीहरूले शिक्षक शिक्षा र स्कूलहरूमा आलोचनात्मक डिजिटल साक्षरता कौशल सिकाउनुपर्ने आवश्यकतामा पनि जोड दिन्छन्, जसले गर्दा युवाहरूलाई प्रभावशाली संस्कृति र एल्गोरिदमले कसरी काम गर्छन् भन्ने राम्रो जानकारी होस्।
प्राध्यापक गिङका अनुसार, “अन्ततः, यी विश्वासहरूबाट केटीहरू र महिलाहरू सबैभन्दा बढी प्रभावित हुन्छन्, तर यो सामग्री उपभोग गर्ने केटा र पुरुषहरूलाई पनि हानि पु¥याउँछ, विशेष गरी मानसिक स्वास्थ्यको सन्दर्भमा। सोशल मिडिया कम्पनीहरूमाथि सरकारबाट युवाहरूको सुरक्षा र कल्याणलाई नाफाभन्दा प्राथमिकता दिन बढी दबाब हुनुपर्छ।“
स्रोत: एन्टिबुलिंग सेन्टर आयरल्याण्डवाट