काठमाडौँ, ६ चैत । स्वतन्त्र विद्यार्थी युनियन (स्ववियु)को निर्वाचनअन्तर्गत नेपाल ल क्याम्पसको सभापतिमा विष्णु ढुंगेल विजयी भएका छन् ।
नेकपा (माओवादी केन्द्र)निकट विद्यार्थी संगठन अखिल (क्रान्तिकारी) ढुंगेलले ५२ मतले अनेरास्ववियुका कैलाश तामाङलाई पराजित गरेका हुन् । अखिल क्रान्तिकारीले ल क्याम्पसको स्ववियुमा ३३ वर्षपछि जित निकालेको हो ।
ढुंगेलले ५९१ मत प्राप्त गर्दा तामाङले ५३९ मत पाए । यस्तै, सचिवमा नेविसंघका मनोज सिंह (६०१) र कोषाध्यक्षमा अनेरास्ववियुका सन्ज्योति नेम्वाङ (४२३) विजयी भएका छन् ।
७ सदस्यमध्ये ५ सदस्य अनेरास्ववियुले जितेको छ । अनेरास्ववियुका समिर रिजाल, प्रियंका साउद, प्रज्ञा ज्ञवाली, शिरिष पौडेल र आशुतोष कुमार गुप्ता सदस्यमा विजयी भएका छन् ।
यस्तै, नेविसंघबाट अमृत ढकाल र सपाना गौतम सदस्यमा विजयी भएका छन् ।
प्रतिक्रिया दिनुहोस्