काठमाडौं १४ माघ। रवि लामिछानेको नागरिकतासम्बन्धी विवादका बारेमा सर्वोच्च अदालतले गरेको फैसलाविरुद्ध लामिछानेको पार्टीका कार्यकताहरुले काठमाडौंमा प्रदर्शन भएको छ। शनिबार लामिछानेको पार्टि समर्थक युवाहरूको एक समूहले काठमाडौंको माइतीघरदेखि बानेश्वरसम्म प्रदर्शन गरेका हुन् ।
प्रदर्शनकारीहरूले रवि लामिछानेलाई सुनियोजित रूपमा फसाइएको आरोप लगाएका छन् । शुक्रबार सर्वोच्च अदालतले रवि लामिछानेले अमेरिकी नागरिकता त्यागेपछि नेपाली नागरिकता सक्रिय गराउन कानुनले तोकेको प्रक्रिया पूरा नगरेको भन्दै उनको सांसद पद खारेज हुने फैसला गरेको थियो ।
सर्वोच्चको फैसलापछि लामिछानेले उपप्रधानमन्त्री र गृहमन्त्री पदसँगै राष्ट्रिय स्वतन्त्र पार्टीको सभापति पद पनि गुमाएका छन् । उनी आफै अब आफू अनागरिक भएको भन्ने विस्फोटक अभिव्यक्ति दिएका थिए ।
प्रदर्शनकारीहरुले प्रधानमन्त्री प्रचण्ड र एमाले अध्यक्ष केपी शर्मा ओली विरुद्ध अभ्रद र अशिष्ट गाली गलौज सहित चर्को नाराबाजी गसरेका थिए ।
संवैधानिक इजलासले शुक्रबार गरेको फैसलाका कारण लामिछानेले एकैपटक चार पद छन् । सांसद पद बदर भएसँगै उनले उपप्रधान तथा गृहमन्त्री पनि छाड्नुपरेको छ । त्यस्तै आफ्नै पार्टीको सभापति र सदस्य बन्न पनि उनी अयोग्य सावित भएका छन् ।
सर्वोच्च अदालतको संवैधानिक इजलासको फैसलाअनुसार उपप्रधान र गृहमन्त्रीबाट पदमुक्त भएपनि रवि लामिछानेले एकै पटक दुई देशको नागरिकता र राहदानी बोकेको विषयमाअनुसन्धान हुन भने बांकी छ ।
प्रतिक्रिया दिनुहोस्